'कोणी होकार दिलाय बघा, मला माझं गिफ्ट मिळालं', हेटमायरने शेअर केला PHOTO

विंडिजचा फलंदाज शिम्रॉन हेटमायरसाठी हे वर्ष जबरदस्त होते. आयपीएलमध्ये त्याला 7.7 कोटी रुपयांत दिल्लीने खरेदी केलं. त्यानंतर वर्षाच्या शेवटी त्याच्या वैयक्तिक आयुष्यातही आनंदाची गोष्ट घडली आहे.

शिम्रॉन हेटमायरने त्याची गर्लफ्रेंड निरवानी उमारवला लग्नाची मागणी घातली याला तिने होकारही दिला आहे.

हेटमायरने सोशल मीडियावर गर्लफ्रेंडसोबतचा फोटो शेअर करून म्हटलं की, बघा कोणी होकार दिला. मला ख्रिसमसचं गिफ्ट मिळालं. माझं तुझ्यावर खूप प्रेम आहे.

हेटमायर आणि त्याची गर्लफ्रेंड निरवानी उमराव हे दीर्घकाळ रिलेशनमध्ये होते. गयानात राहणारी निरवानी त्याचे सर्व सामने पाहते.

भारत दौऱ्यावर विंडीज संघाचा प्रत्येक सामना पाहण्यासाठी ती विंडिजमध्ये सकाळी 4 वाजता उठायची. सोशल मीडियावर ती विंडिजच्या कामिगिरीबद्दल शुभेच्छा आणि अभिनंदनही करायची.

हेटमायर लहानपणापासूनच निरवानीवर प्रेम करत होता. दोघेही एकमेकांचे फोटो सोशल मीडियावर शेअर करायचे.