अनुष्कासाठी तोडला होता नियम, Virat Kohli ला 'त्या' 5 चूका भोवल्या?

विराट कोहली (Virat Kohli)आणि बीसीसीआयमध्ये (BCCI) वादाची ठिणगी पडल्याचं गेल्या काही दिवसांपासून समोर येत आहे.

दक्षिण आफ्रिका दौऱ्यावर जायच्या आधी विराट कोहलीने पत्रकार परिषदेत केलेल्या वक्तव्यांमुळे हा वाद आणखी वाढला. दरम्यान, क्रिकेट जगतात विराटला त्याच्या चुकांची आठवण करुन देण्यात येत आहेत. त्याने केलेल्या चुकाच त्याला भोवल्या असल्याचा सूर क्रिकेट जगतात निघत आहे.

कोहलीला वनडे टीमच्या कॅप्टन्सीवरून हटवण्यात आलं. ही गोष्ट आपल्याला दक्षिण आफ्रिका दौऱ्यासाठी टेस्ट टीमची निवड करण्याच्या दीड तास आधी निवड समितीने सांगितली, असं विराट म्हणाला होता. आपण विराटला टी-20 टीमची कॅप्टन्सी सोडू नकोस, असं सांगितलं होतं पण तो ऐकला नाही, अशी प्रतिक्रिया बीसीसीआय अध्यक्ष सौरव गांगुलीने (Sourav Ganguly) दिली होती. विराटने मात्र आपल्याला असं काहीही सांगण्यात आलं नसल्याचं सांगत गांगुलीचा दावा खोडून काढला.

अनुष्का शर्मा आणि विराट कोहली हे देशातलं स्टार कपल आहे. 2015 आयपीएल दरम्यान, दिल्ली डेयरडेविल्‍स विरुद्ध विराट कोहली अनुष्कासोबत बोलताना दिसला. नियामनुसार खेळदरम्यान खेळाडू केवळ कोच किंवा इतर स्टाफसोबतच संवाद साधू शकतो. कोहलीला यासंबंधी इशारादेखील देण्यात आला होता.

अनिल कुंबळे आणि विराट यांच्यातील वाद सर्वश्रुत आहेत. 2016 मध्ये अनिल कुंबळे टीम इंडियाचे कोच होते मात्र, त्यांना अल्पावधीतच पायउतार व्हावे लागले. आपण कोचपदी कायम राहू नये, अशी विराटची इच्छा असल्याचे संकेत कुंबळेने राजीनामा देताना दिले होते. अनिल कुंबळेने राजीनामा दिल्यानंतर रवी शास्त्रीची (Ravi Shastri) त्या पदावर नियुक्ती करण्यात आली होती.

2011 मध्ये भारत विरुद्ध ऑस्‍ट्रेलियामध्ये सिडनी टेस्ट मॅच खेळवण्यात आली होती. या मॅचदरम्यान, ऑस्‍ट्रेलिया प्रेक्षकांनी भारतीय खेळाडूंना अपशब्द वापरला होता. त्यावेळी विराटने त्यांच्याकडे चुकीच्या पद्धतीने इशारा केल्याने त्याला 50 टक्के दंड करण्यात आला.

2015 मध्ये टीम इंडिया पर्थ मध्ये अभ्यास करत होती. तेव्हा तिथे पत्रकार पोहचले. त्यांना पाहताच विराट कोहली भडकला. त्यांना तो उलट सुलट बोलू लागला. खरतरं विराट आणि अनुष्का यांच्यावर लिहण्यात आलेल्या आर्टिकलमुळे नाराज होता विरटा.

आयपीएलच्या सहाव्या सीझनदरम्यान कोहलीचा आरसीबी संघ आणि गौतम गंभीरचा संघ केकेआरसोबत लढला. मॅचदरम्यान, कोहीली आउट झाल्यानंतर माघारी परतत होता. त्यावेळी गंभीर काहीतरी पुटपुटला त्यावर विराट भलता चिडला असल्याचे समोर आले. त्यामुळे दोघांच्यात वाद पेटला होता.