चार दिवसांत बाप होणार विराट! शेअर केला जिममधला PHOTO; चाहत्यांनी केल्या भलत्याच कमेंट

नवी दिल्ली, 05 जानेवारी: भारतीय क्रिकेट संघाचा कर्णधार विराट कोहली ऑस्ट्रेलियाविरुद्धच्या पहिल्या कसोटी सामन्यानंतर पितृत्वाची रजा घेवून भारतात परतला आहे. विराट कोहली आणि अनुष्का शर्मा या महिन्यात आईबाबा होणार आहेत. विराटने मंगळवारी जिममधला एक फोटो शेअर केला आहे. (फोटो क्रेडिट: विराट कोहली ट्विटर)

त्यानंतर चाहत्यांनी आपल्या कल्पनेचे घोडे दौडायला सुरुवात केली आहे. खरं तर कोहलीनं व्हिक्ट्री साइन दर्शवणारा जिममधला आपला फोटो शेअर केला होता, त्यावर त्यानं कॅप्शनमध्ये व्हिक्ट्री चिन्हासह हासणारा इमोजी शेअर केला होता.

या फोटोवर चाहत्यांनी चित्र विचित्र प्रतिक्रिया द्यायला सुरुवात केली आहे. एका चाहत्यानं लिहीलं की, चार बोटं म्हणजे चार दिवस बाकी आहेत.

त्याचवेळी दुसऱ्या एका चाहत्यानं लिहिलं की, त्याने दोन व्हिक्ट्री चिन्हं दर्शविली आहेत, म्हणजे याचा अर्थ 22 जानेवारी रोजी छोटा पाहुणा जगात येणार आहे.

तर एका चाहत्यानं लिहिलं की, या फोटोतून 22 अंकाचा संकेत दिला आहे. याचा अर्थ 22 दिवसांनंतर बाळ येणार आहे. म्हणजे विराट इंग्लंडविरुद्धही खेळणार नाही.