विराट कोहलीचा विक्रम, हा कारनामा करणारा पहिला भारतीय सेलिब्रिटी

क्रिकेटच्या मैदानात सुपरहिट असलेला कर्णधार विराट कोहली सोशल मीडियावरही प्रचंड लोकप्रिय आहे. सोमवारी इन्स्टाग्रामवर विराट कोहलीचे 10 कोटी फॉलोअर्स झाले आहेत. हा विक्रम करणारा विराट पहिला भारतीय ठरला आहे. (Photo PTI)

10 कोटी फॉलोअर्सची संख्या गाठताच विराट आता फूटबॉलपटू क्रिस्टियानो रोनाल्डो, लियोनेल मेसी आणि नेमार यांच्या क्लबमध्ये पोहोचला आहे. भारतात सर्वाधिक इन्स्टाग्राम फॉलोअर्सच्या यादीत विराट कोहलीनंतर प्रियांका चोप्राचा नंबर लागतो. प्रियांका चोप्राचे इन्स्टावर 6 कोटी फॉलोअर्स आहेत. (Photo PTI)

क्रिस्टियानो रोनाल्डोचे इन्स्टाग्रामवर 26 कोटीपेक्षा जास्त फॉलोअर्स आहेत. तो जगात पहिल्या क्रमांकावर आहे. गायिका एरियाना ग्रांडे 22.40 कोटी फॉलोअर्ससोबत दुसऱ्या आणि WWE सुपरस्टार ड्वेन जॉनसन 22 कोटी फॉलोअर्ससह तिसऱ्या क्रमांकावर आहे. (Photo- Ronaldo Instagram)

विराट कोहलीचे इन्स्टाग्रामशिवाय इतर सोशल मीडियावरही अनेक फॉलोअर्स आङेत. ट्विटरवर विराटला 4 कोटी जण तर फेसबूकवर 3.6 कोटी जण फॉलो करतात. (Photo- AP)