Tokyo Olympics 2020: भारताचे 5 हीरो, ज्यांनी घडवला 41 वर्षांनंतर इतिहास

भारतीय हॉकी टीमनं ऑलिम्पिकमध्ये 41 वर्षांची प्रतीक्षा संपवली आहे. भारताने जर्मनीचा 5-4 ने पराभव करत ब्रॉन्झ मेडल पटकावले. यापूर्वी भारताने 1980 साली मॉस्को ऑलिम्पिकमध्ये गोल्ड मेडल पटकावले होते. त्यानंतर चार दशकांनी टोकयोमध्ये मेडल जिंकण्याची ऐतिहासिक कामगिरी केली आहे. (फोटो : AP)

भारताची जर्मनीच्या विरुद्ध सुरुवात खराब झाली. जर्मनीनं पहिल्या क्वार्टरमध्ये गोल केला. त्यानंतर भारताने पुनरागमन करण्याचा जोरदार प्रयत्न केला. पण तो प्रयत्न यशस्वी झाला नाही. पहिल्या क्वार्टरमध्ये जर्मनीचं वर्चस्व होतं. दुसऱ्या क्वार्टरमध्ये सिमरनजीत सिंहनं गोल करत भारताला बरोबरीत आणले. (फोटो : AP)

दुसऱ्या क्वार्टरमध्ये गोलचा वर्षाव झाला. यामध्ये भारताकडून तीन तर जर्मनीकडून दोन गोल झाले. जर्मनीनं दोन मिनटामध्ये दोन गोल करत 3-1 अशी आघाडी घेतली होती. त्यानंतर हार्दिक सिंहनं पेनल्टी कॉर्नरवर जबरदस्त गोल केला. (फोटो : AP)

भारतीय टीमनं तीन मिनिटामध्येच दोन गोल केले. हार्दिक सिंहनंतर हरमनप्रीत सिंहनं पेनल्टी कॉर्नरवर गोल केला. या गोलमुळे भारताने 3-3 अशी बरोबरी साधली. (फोटो : AP)

तिसऱ्या क्वार्टरमध्ये भारतानं आक्रमक खेळ केला. हा क्वार्टर सुरु झाल्यानंतर तीन मिनिटांनी रुपिंदर पाल सिंहनं गोल करत भारताला 4-3 ने आघाडी मिळवून दिली. (फोटो : AP)

रुपिंदर सिंहनं गोल केल्यानंतर पाच मिनिटांनीच सिमरनजीत सिंहनं भारतासाठी पाचवा गोल केला. सिमरनजीतचा हा मॅचमधील दुसरा गोल होता. हा गोल झाल्यानंतर भारताकडे 5-3 अशी आघाडी होती. त्यानंतर चौथ्या क्वार्टरमध्ये जर्मनीनं एक गोल करत ही आघाडी कमी केली. पण भारतीय टीमनं अखेरपर्यंत ही आघाडी कायम ठेवत ब्रॉन्झ मेडल पटकावले. (फोटो : AP)