T20 World Cup : पाकिस्तानी क्रिकेटपटूची पत्नी आहे विराटची 'जबरा फॅन', भारतासोबत खास नातं

विराट कोहली सध्या जगातल्या सर्वोत्तम खेळाडूंपैकी एक आहे, यात कोणाचंही दुमत नसेल. विराट क्रिकेटच्या तिन्ही फॉरमॅटमध्ये सातत्याने रन करत आहे, त्यामुळे विराटचे फॅन फक्त भारतातच नाहीत तर जगभरात आहेत. पाकिस्तानमध्येही विराटची लोकप्रियता खूप जास्त आहे. पाकिस्तानी टीमचा फास्ट बॉलर हसन अली याची पत्नी आरजूदेखील विराटची चाहती आहे. (Samiya Hassan Ali, Virat Kohli/Instagram)

शामिया आरजू आपल्या अधिकृत इन्स्टाग्राम अकाऊंटवरून चाहत्यांसोबत संवाद साधत होती, तेव्हा तिला तुझा आवडता खेळाडू कोण? असा प्रश्न विचारण्यात आला. त्यावेळी तिने विराट कोहली असं उत्तर दिलं. (Samiya Hassan Ali/Instagram)

विराट कोहलीची फॅन असण्यासोबतच शामिया आरजूचं भारतासोबत खास नातं आहे. शामिया भारतीय नागरिक आहे. तिचं लग्न पाकिस्तानचा फास्ट बॉलर हसन अलीसोबत 2019 साली दुबईमध्ये झालं होतं. (Samiya Hassan Ali/Instagram)

शामिया भारतातल्या हरियाणाची आहे. हरियाणाच्या नूंह जिल्ह्यातल्या चंदेनी गावात ती राहते. शामिया अमिरात एयरलाईन्समध्ये फ्लाईट इंजिनियर आहे. तिचं कुटुंब दिल्लीमध्ये राहतं. (Samiya Hassan Ali/Instagram)

शामिया आरजू काही वर्षांपूर्वी हसन अलीला दुबईमध्ये भेटली, तेव्हा त्यांच्यात मैत्री झाली. या मैत्रीचं रुपांतर नंतर प्रेमात झालं आणि मग दोघांनी लग्न केलं. (Samiya Hassan Ali/Instagram)

शामियाने आपला आवडता बॅटर विराट कोहली असल्याचं सांगितलं, तर आवडता बॉलर पती हसन अली असल्याचं ती म्हणाली. (Samiya Hassan Ali/Instagram)

हसन अली आणि शामिया आरजूचं लग्न भारत आणि पाकिस्तानमध्ये चर्चेचा विषय ठरलं होतं. शामियाचे वडील लियाकत अली यांचे बरेच नातेवाईक फाळणीनंतर पाकिस्तानमध्ये गेले होते. (Samiya Hassan Ali/Instagram)

हसन अली पाकिस्तानचा चौथा क्रिकेटपटू आहे, ज्याने भारतीय मुलीशी लग्न केलं. याआधी झहीर अब्बास, मोहसीन खान आणि शोएब मलिक यांनीही भारतीय महिलेशी लग्न केलं होतं. (Samiya Hassan Ali/Instagram)