T20 World Cup मध्ये Player of the Tournament, वॉर्नरच्या पत्नीचा SRH वर निशाणा!

ऑस्ट्रेलियाने न्यूझीलंडला हरवून पहिल्यांदाच टी-20 वर्ल्ड कपवर (T20 World Cup) आपलं नाव कोरलं. मिचेल मार्श (Mitchell Marsh) आणि डेव्हिड वॉर्नर (David Warner) ऑस्ट्रेलियाच्या विजयाचे शिल्पकार ठरले. मार्शने 50 बॉलमध्ये नाबाद 77 रन तर वॉर्नरने 38 बॉलमध्ये 53 रनची खेळी केली होती. याआधी वॉर्नरने पाकिस्तानविरुद्ध 49 रन आणि वेस्ट इंडिजविरुद्ध नाबाद 89 रन केले होते. वॉर्नरच्या या शानदार कामगिरीनंतर त्याची पत्नी कॅन्डिस वॉर्नरने आयपीएलच्या सनरायजर्स टीमवर निशाणा साधला. (PC: Candice Warner instagram)

वॉर्नर टी-20 वर्ल्ड कपमध्ये धमाकेदार फॉर्ममध्ये होता. ऑस्ट्रेलियाला ऐतिहासिक विजय मिळवून देण्यात वॉर्नरने मोलाची भूमिका निभावली. एवढच नाही तर त्याने टीकाकारांनाही चोख प्रत्युत्तर दिलं.

टी-20 वर्ल्ड कप सुरू व्हायच्या आधी वॉर्नर खराब फॉर्ममध्ये होता, त्यामुळे आयपीएल 2021 च्या दुसऱ्या राऊंडमधून वॉर्नरला हैदराबाद टीमने बाहेर केलं होतं. टी-20 वर्ल्ड कपमध्ये वॉर्नरने टीमसाठी आपण किती महत्त्वाचे आहोत, हे दाखवून दिलं. (PC: Candice Warner instagram)

फायनलमधल्या वॉर्नरच्या खेळीनंतर त्याची पत्नी कॅन्डिसने सनरायजर्स हैदराबादच्या टीमला टोला हाणला. फॉर्ममध्ये नाही, असं म्हणत कॅन्डिसने दोन स्माईली टाकल्या. (PC: Candice Warner instagram)

वॉर्नरने टी-20 वर्ल्ड कपमध्ये 289 रन केले आणि त्याला प्लेयर ऑफ द टुर्नामेंट देऊन गौरवण्यात आलं. यावरूनच कॅन्डिसने हैदराबादच्या टीमवर निशाणा साधला. (PC: Candice Warner instagram)

सनरायजर्स हैदराबादने सुरुवातीला वॉर्नरची कॅप्टन्सी काढून घेतली. यानंतर दुसऱ्या राऊंडमध्ये त्याला टीममधूनही बाहेर करण्यात आलं. पत्नीच्या या ट्वीटला डेव्हिड वॉर्नरनेही रिट्वीट केलं. चाहत्यांनीही यावरून सनरायजर्स हैदराबादला सुनावलं.