IPL 2020 : सूर्यकुमार यादवच्या हातावर आहेत या दोन व्यक्तींचे टॅटू

आयपीएल (IPL 2020) च्या यंदाच्या मोसमात मुंबई (Mumbai Indians)चा सूर्यकुमार यादव (Suryakumar Yadav) शानदार फॉर्ममध्ये आहे. बुधवारी सूर्यकुमारने आपल्या नाबाद अर्धशतकाच्या जोरावर बँगलोरविरुद्धच्या मॅचमध्ये मुंबईला 5 विकेटने विजय मिळवून दिला. सूर्यकुमार यादवला एबी डिव्हिलियर्सप्रमाणेच क्रिकेटच्या मैदानात 360 डिग्री शॉट खेळण्याची आवड आहे. एवढंच नाही तर त्याला टॅटू गोंदवून घेण्याची हौसही आहे.

सूर्यकुमार यादवने त्याच्या शरिरावर बरेच टॅटू गोंदवून घेतले आहेत. पण त्याच्या दोन्ही हातांवर असलेले टॅटू त्याच्यासाठी खूप खास आहेत. सूर्यकुमार यादवने आपल्या उजव्या खांद्यावर आई आणि वडिलांच्या फोटोचा टॅटू गोंदवून घेतला आहे.

सूर्यकुमारने आपल्या उजव्या हातावर वडिल अशोक कुमार आणि स्वप्ना यादव यांचं नावही लिहिलं आहे. याशिवाय त्याने माओरी जनजातीय टॅटूही शरिरावर काढला आहे. सूर्यकुमारने डावा हात, डावा पाय आणि छातीच्या डाव्या बाजूलाही टॅटू काढला आहे.

आयपीएलच्या या मोसमात सूर्यकुमार यादवने जबरदस्त बॅटिंग केली आहे. त्याने 11 इनिंगमध्ये 40 पेक्षा जास्तच्या सरासरीने 362 रन केले आहेत, यामध्ये 3 अर्धशतकांचा समावेश आहे. या मोसमात त्याचा स्ट्राईक रेटही 155 पेक्षा जास्त आहे.