हातात बॅट आणि चेहऱ्यावर हसू; शुभमन गिलचे हे लहानपणीचे फोटोज तुम्हालाही पाडतील प्रेमात

टीम इंडियाचा स्टार बॅट्समन आणि नुकत्याच झालेल्या इंडिया विरुद्ध न्यूझीलंड सामन्याचा हिरो शुभमन गिल हा नेहमीच चर्चेत असतो.

कधी सारा तेंडुलकर सोबतच्या रिलेशनशिपच्या चर्चा तर कधी त्याच्या टीम इंडियामधील स्थानाच्या चर्चा. पण आता वेगळीच चर्चा रंगली आहे ती म्हणजे शुभमनच्या लहानपणीच्या फोटोजची. तुम्ही बघितले आहेत का हे फोटोज?

आज आम्ही तुम्हाला शुभमन गिलचे बालपणीचे फोटो दाखवणार आहोत. शुभमनचा जन्म 1999 मध्ये पंजाबमधील फाजलिका येथे झाला.

शुभमनचे शालेय शिक्षण मोहालीत झाले. लहानपणापासून क्रिकेटचे व्यसन. शुभमनला क्रिकेटर बनवण्यात त्याच्या वडिलांचा वाटा मोठा आहे.

शुभमनचे वडील लखविंदर सिंग हे शेतकरी आहेत. मुलाच्या सरावासाठी त्यांनी स्वतः खेळपट्टी बनवली आणि शुभमनला नेहमी खेळण्यास प्रोत्साहित केलं.

लखविंदर सिंग गावातील मुलांना सांगत असे की जो कोणी आपल्या मुलाला आउट करेल त्याला मी 100 रुपये देईन. अशा प्रकारे त्यांनी शुभमनला बॅटर म्हणून विकसित केले.

आपल्या मुलाला क्रिकेटपटू म्हणून वाढवण्यासाठी लखविंदर सिंग यांनी शेती सोडून मोहालीला राहायला गेले. तिथे त्यांनी आपल्या मुलाला पंजाब क्रिकेट असोसिएशनच्या अकादमीत प्रवेश दिला.

शुभमन गिलने अंडर-16 क्रिकेटमध्ये पंजाबकडून पदार्पण केले. विजय मर्चंट ट्रॉफीमध्ये त्याने नाबाद द्विशतक झळकावले.

टीम इंडियाचा सलामी फलंदाज म्हणून शुभमननं आपल्या नावाची छाप सोडली आहे. गेल्या काही सामन्यांमध्ये त्यानं स्वतःच्या फलंदाजीने सर्वांनाच चकित केलं आहे.