Vijay Hazare Trophy: इंग्लंडसाठी धोक्याची घंटा! श्रेयस अय्यरने झळकावलं सलग दुसरं शतक

नवी दिल्ली: सध्या देशात सुरू असलेल्या विजय हजारे ट्रॉफीमध्ये मुंबईचा कर्णधार श्रेयस अय्यर चांगल्याच फॉर्ममध्ये आहे. अय्यरने विजय हजारे ट्रॉफीच्या सलग दुसर्‍या सामन्यात शतक झळकावलं आहे. भारताच्या धडाकेबाज फलंदाजाने शनिवारी 116 धावांची उत्कृष्ट खेळी केली आहे. तत्पूर्वी त्याने महाराष्ट्राविरूद्ध नाबाद 103 धावा केल्या होत्या. (फोटो-AP)

इंग्लंडविरुद्धच्या पाच टी-20 सामन्यांच्या मालिकेसाठी श्रेयस अय्यरची भारतीय संघात निवड करण्यात आली आहे. त्यामुळे इंग्लंडच्या संघासाठी हा धोक्याचा इशारा आहे. (फोटो- Shreyas Iyer/Instagram)

श्रेयस अय्यरच्या या धमाकेदार खेळीमुळे मुंबईच्या संघाने राजस्थानविरुद्ध 50 षटकांत सात गडी गमावून 317 धावांचं लक्ष्य ठेवू शकला. अय्यर व्यतिरिक्त यशस्वी जयस्वालने 38, पृथ्वी शॉने 36 आणि सूर्यकुमार यादवने 29 धावांचं योगदान दिलं आहे. (फोटो- Prithivi Shaw/Instagram)

श्रेयस अय्यरने भारताकडून 21 एकदिवसीय आणि 24 टी -20 सामन्यांमध्ये सहभाग घेतला होता. यावेळी एकदिवसीय सामन्यात त्याने 807 आणि टी-20 सामान्यांत 429 धावा केल्या आहेत. (फोटो- बीसीसीआय / डीसी ट्विटर)