Bad Boys: आफ्रिदीचं शाळेतल्या शिक्षिकेवर जडलेलं प्रेम, 4 वेळा क्रिकेटमधून निवृत्तीची घोषणा

क्रिकेटमध्ये मैदानात उतरताच फटकेबाजीला सुरुवात करणाऱ्या काही खेळाडूंची नावे सहज नजरेसमोर येतील. त्यात एक नाव आहे पाकिस्तानचा माजी कर्णधार शाहीद आफ्रिदी. क्रिकेटशिवाय मैदानाबाहेरही तो अनेक कारणांनी चर्चेत राहिला आहे.

शाहिद आफ्रिदीने तो ९ वर्षाचा असताना घडलेला एक किस्सा सांगितला होता. तेव्हा शाळेतली शिक्षिका आवडत होती असं तो म्हणाला होता.ती खूपच सुंदर होती. बाबांना गंमतीने लग्नासाठी मुलगी शोधायला सांगितलं होतं.

शाहिदी आफ्रिदीने त्याच्या मामाची मुलगी नादिया आफ्रिदीसोबत लग्न केलं. काही दिवसांपूर्वी आफ्रिदीच्या मोठ्या मुलीचं लग्न क्रिकेटर शाहिन आफ्रिदीशी झालं. शाहिन त्याच्या फलंदाजीमुळे चर्चेत आला होता.

शाहीद आफ्रिदीने एकदिवसीय क्रिकेटमध्ये ३७ चेंडूत सर्वात वेगवान शतक झळकावण्याचा विक्रम केला होता. हा विक्रम नंतर मोडला. २००९ मध्ये पाकिस्तानने टी२० वर्ल्ड कप जिंकला होता. अंतिम सामन्यात आफ्रिदीने अर्धशतकासह एक विकेटही घेतली होती.

क्रिकेट कारकिर्दीत शाहीद आफ्रिदीने चार वेळा निवृत्तीची घोषणा केली. पहिल्यांदा २००६ मध्ये, त्यानंतर २०११ आणि २०१५ मध्येही त्यानं निवृत्ती घेत असल्याचं सांगितलं. शेवटी २०१७ मध्ये तो निवृत्त झाला. २०१० मध्ये चेंडुशी छेडछाड प्रकरणी त्याला दोन सामन्यांत बंदीही घालण्यात आली होती.

शाहीद आफ्रिदीने वयाच्या १६ व्या वर्षी आंतरराष्ट्रीय क्रिकेटमध्ये पदार्पण केलं होतं. तेव्हा त्याचे जन्म वर्ष १९७७ होते. मात्र त्याने आत्मचरित्रात त्याचा जन्म १९७५ मध्ये झाल्याचं म्हटलं होतं. पाकिस्तान क्रिकेट बोर्डाने त्याचं जन्म वर्ष चुकीचं लिहिलं होतं.

आफ्रिदीने पाकिस्तानकडून २७ कसोटी, ३९८ एकदिवसीय आणि ९९ टी२० सामने खेळले. कसोटीत त्याने १७१६ धावा केल्या आणि ४८ विकेट घेतल्या. तर एकदिवसीय क्रिकेटमध्ये त्याच्या नावावर ८ हजार ६४ धावा आणि ३९५ विकेट आहेत. टी२० क्रिकेटमध्ये आफ्रिदीने १४१६ धावा केल्या, याशिवाय ९८ विकेटही घेतल्या आहेत.