टीम इंडियाच्या निशाण्यावर पाकिस्तानचा मोठा विक्रम! विंडीजविरुद्धच्या दुसऱ्या T20 मध्ये हे काम करावे लागणार

भारत आणि वेस्ट इंडिजचे संघ आतापर्यंत 21 वेळा टी-20 सामन्यांमध्ये आमनेसामने आले आहेत. यादरम्यान टीम इंडियाने 14 सामने जिंकले आहेत, तर सहा सामन्यांत पराभवाला सामोरे जावे लागले आहे. तर एक सामना अनिर्णित राहिला. (इंडियनक्रिकेटम/इन्स्टाग्राम)

वेस्ट इंडिजविरुद्ध टी-20 सामने जिंकण्याच्या बाबतीत पाकिस्तानचा संघ टीम इंडियापेक्षा पुढे आहे. पाकिस्तानने विंडीजविरुद्ध 21 पैकी 15 सामने जिंकले आहेत. यादरम्यान पाकिस्तानला तीन सामन्यांत पराभवाला सामोरे जावे लागले. (इंडियनक्रिकेटम/इन्स्टाग्राम)

अशा परिस्थितीत टीम इंडियाला विंडीजविरुद्धचा दुसरा टी-20 जिंकून पाकिस्तानच्या विक्रमाची बरोबरी करण्याची संधी आहे आणि त्यानंतर तिसरा टी-20 सामना जिंकून पाकिस्तानला मागे टाकू शकते. (इंडियनक्रिकेटम/इन्स्टाग्राम)

सेंट किट्समधील वॉर्नर पार्कमध्ये वेस्ट इंडिज क्रिकेट संघाची कामगिरी उत्तम राहिली आहे. यजमान संघाने या मैदानावर एकूण 10 T20 आंतरराष्ट्रीय सामने खेळले आहेत, त्यापैकी 6 जिंकले आहेत. (इंडियनक्रिकेटम/इन्स्टाग्राम)

सेंट किट्समधील वॉर्नर पार्कवर भारतीय संघ पहिल्यांदाच टी-20 सामना खेळणार आहे. यजमान वेस्ट इंडिज संघाने या मैदानावर 10 पैकी केवळ दोनच सामने गमावले आहेत. (@windiescricket)

मालिकेतील पहिल्या T20 सामन्यात भारताने वेस्ट इंडिजचा 68 धावांनी पराभव केला. प्रथम फलंदाजी करताना भारताने पहिल्या टी-20 सामन्यात विंडीजविरुद्ध 6 बाद 190 धावा केल्या. प्रत्युत्तरात विंडीजचा संघ 20 षटकांत 8 गडी गमावून 122 धावाच करू शकला. (@windiescricket)

यादरम्यान रोहित शर्मा सर्वाधिक षटकारांच्या बाबतीत न्यूझीलंडच्या मार्टिन गुप्टिलला मागे टाकू शकतो. रोहितच्या नावावर 129 टी-20 सामन्यांमध्ये 159 षटकार आहेत, तर गुप्टिलने आतापर्यंत 116 टी-20 आंतरराष्ट्रीय सामन्यांमध्ये एकूण 169 षटकार मारले आहेत. (इंडियनक्रिकेटम/इन्स्टाग्राम)

मार्टिन गप्टिलचा (Martin Guptil) सर्वाधिक षटकारांचा विक्रम मागे टाकण्यासाठी रोहित शर्माला (Rohit Sharma) 11 षटकारांची गरज आहे. T20 आंतरराष्ट्रीय सामन्यांमध्ये सर्वाधिक धावांबद्दल बोलायचं झालं तर रोहितने 3443 धावा केल्या आहेत, तर गुप्टिलच्या नावावर 3399 धावा आहेत. (इंडियनक्रिकेटम/इन्स्टाग्राम)