राज कुंद्राच्या अटकेनंतर का होतोय अजिंक्य रहाणे ट्रोल? 2012 मधील हे ट्वीट ठरतंय कारणीभूत

अभिनेत्री शिल्पा शेट्टीचे (Shilpa Shetty) पती आणि बिझनेसमॅन राज कुंद्रा (Raj Kundra) याला गुन्हे शाखेने अटक केली आहे. अश्लील व्हिडीओ बनवणे आणि साइट्सवर अपलोड करणे या गुन्ह्यासाठी त्याला अटक करण्यात आली आहे. दरम्यान यानंतर भारतीय क्रिकेटर अजिंक्य रहाणे ट्रोलर्सच्या निशाण्यावर आला आहे. (फोटो सौजन्य- इन्स्टाग्राम: @rajkundra9/AP)

रहाणेने 19 ऑक्टोबर 2012 रोजी राज कुंद्राला टॅग करत एक ट्वीट केले होते. यात अजिंक्यने असं म्हटलं होतं की सर तुम्ही चांगलं काम करत आहात. त्यावर राज कुंद्राने देखील अजिंक्यचे आभार मानले होते आणि तू अवश्य येऊन लाइव्ह पाहावे असं म्हटलं होतं.

याचवर्षी फेब्रुवारीमध्ये कुंद्राच्या विरोधात पोलिसात तक्रार दाखल झाली होती. त्याच्याविरोधात अश्लील व्हिडीओ रेकॉर्ड करण्याचा आणि ते सोशल मीडियावर पोस्ट करण्याचा आरोप करण्यात आला आहे. कुंद्राच्या अटकेनंतर रहाणेचं जुनं ट्वीट व्हायरल होत आहे.

रहाणेने 2012 मध्ये कुंद्राच्या कोणत्या एका कामाचं कौतुक केलं होतं. त्यावेळा राज कुंद्रा आयपीएल फ्रँचायझी राजस्थान रॉयल्सचे सहमालक होता

कुंद्राच्या अटकेनंतर रहाणे सोशल मीडिया ट्रोलर्सच्या निशाण्यावर आला आहे. अनेक मीम्स शेअर करत रहाणेला ट्रोल केलं जात आहे.