धोनीच्या शेतात नवीन पिक, कोबी-टोमॅटोनंतर ग्राहकांना मिळणार मटार, पाहा PHOTO

झारखंडची राजधानी असलेल्या रांचीच्या भाजी मार्केटमध्ये सध्या एमएस धोनी (MS Dhoni) च्या इजा फार्म हाऊसच्या भाज्यांना मोठ्या प्रमाणावर मागणी आहे. धोनीच्या फार्म हाऊसमधून रांचीच्या बाजारात रोज ताज्या भाज्या पोहोचत आहेत. रांचीच्या भाजी बाजारात धोनीच्या फार्म हाऊसमधल्या भाज्यांचे स्टॉल लागले आहेत. या स्टॉलवर धोनीचे फोटोही लावण्यात आले आहेत.

धोनीच्या फार्म हाऊसवर सध्या मटाराची शेती सुरू आहे. बुधवारी पहिल्यांदाच धोनीची आवडती भाजी असलेल्या मटाराची तोडणी करण्यात आली.

धोनीच्या फार्म हाऊसवर मटाराच्या झाडांवर मटार लागले आहेत. बुधवारी पहिल्यांदाच या मटारांची तोडणी झाली.

धोनीने त्याच्या फार्म हाऊसवर जवळपास दोन एकरात G10 प्रजातीच्या मटाराची शेती केली आहे.

G10 प्रजातीच्या या झाडाला जवळपास दीड किलो मटार लागतात आणि याचे दाणेही गोड असतात. प्रत्येक मटारात 10-12 दाणे असतात. दोन एकर परिसरात लावलेल्या या शेतात पहिल्या तोडणीतून 100 ते 125 किलो मटार निघतील, अशी अपेक्षा आहे.