IPL स्थगितीचा फायदा, पंजाब किंग्सच्या आक्रमक खेळाडूने केलं लग्न

कोरोना व्हायरसमुळे यंदाची आयपीएल 29 सामन्यांनंतर स्थगित करण्यात आली. आयपीएलच्या या स्थगितीचा फायदा पंजाब किंग्सच्या आक्रमक खेळाडूने घेतला आहे. वेस्ट इंडिजचा बॅट्समन निकोलास पूरन याने त्याची गर्लफ्रेंड कॅथरीन मिगुलसोबत लग्न केलं आहे. आयपीएल स्थगित झालं नसतं, तर पूरन मायदेशात अजूनपर्यंत त्याच्या मायदेशात पोहोचला नसता.

निकोलस पूरन याच्या लग्नानंतर पंजाब किंग्सचा कर्णधार केएल राहुल, मयंक अग्रवाल, क्रिस गेल, डेव्हिड वॉर्नर, जेम्स नीशम, कायरन पोलार्ड यांच्यासह अनेक क्रिकेटपटूंनी शुभेच्छा दिल्या. (Nicholas pooran/Twitter)

निकोलस पूरनने लग्नाचा फोटो सोशल मीडियावर शेयर केला. 'जीजसने मला आयुष्यात खूप काही दिलं, पण तुझ्यापेक्षा चांगलं काहीच नाही. मिस्टर आणि मिसेस पूरन यांचं स्वागत करा,' असं कॅप्शन निकोलस पूरनने त्याच्या फोटोला दिलं. कॅथरीन मिगुलनेही लग्नाचे काही फोटो शेयर केले आहेत. (Nicholas pooran/Instagram)

आयपीएल स्थगित झाल्यामुळे परदेशी खेळाडू क्वारंटाईनचा कालावधी पूर्ण करून स्वत:च्या घरी पोहोचले. पूरनने संकटाच्या या काळात भारताला मदत करण्याची घोषणा केली होती. आयपीएलच्या आपल्या वेतनाचा एक भाग आपण दान करणार असल्याचं पूरनने सांगितलं होतं. (Nicholas pooran/Instagram)

कॅथरिन पूरनसोबत नेहमीच आयपीएलमध्ये यायची. स्टेडियममधून पूरनला चिअर करतानाही ती अनेकदा दिसायची. आयपीएलच्या यंदाच्या मोसमात मात्र पूरनची कामगिरी खराब झाली. 4 कोटी रुपयांचा पूरन 4 इनिंगपैकी 3 वेळा शून्यवर आऊट झाला. 7 मॅचमध्ये त्याला 28 रन केले. (kathrina_miguel/Instagram)

निकोलस पूरनने मागच्यावर्षी नोव्हेंबर महिन्यात साखरपुडा केला होता. गर्लफ्रेंड कॅथरिन मिगुलसमोर गुडघ्यावर बसून पूरनने अंगठी घातली होी. निकोलस आणि कॅथरिन या दोघांनी तेव्हाही लग्नाचे फोटो शेयर केले होते. (kathrina_miguel/Instagram)