धोनीच्या शेतातली लालबुंद स्ट्रॉबेरी, दिवसाला आहे तब्बल एवढी मागणी

एमएस धोनीच्या शेतातल्या लालबुंद स्ट्रॉबेरीला रांचीच्या बाजारात जोरदार मागणी आहे. रांचीमध्ये धोनीचं फार्म हाऊस 43 एकर परिसरात पसरलं आहे. यातल्या दीड एकर परिसरात स्ट्रॉबेरीची शेती केली जात आहे. (MS Dhoni/Instagram)

धोनीने आपल्या इजा फार्म हाऊसमध्ये विंटर डाऊन पद्धतीची स्ट्रॉबेरी लावली आहे. ही स्ट्रॉबेरी अत्यंत रसाळ असून तब्येतीसाठीही चांगली असल्याचं सांगितलं जातं. धोनीच्या फार्म हाऊसमधून दिवसाला जवळपास 80 ते 120 किलो स्ट्रॉबेरी तोडून बाजारात पाठवली जात आहे. ही स्ट्रॉबेरी तोडतानाही विशेष काळजी घेतली जात आहे.

धोनीच्या फार्म हाऊसमधून निघालेल्या स्ट्रॉबेरीला बाजारातम मोठ्याप्रमाणावर मागणी आहे. रांचीमध्ये अनेक ठिकाणी उभारण्यात आलेल्या काऊंटरवर इजा फार्म हाऊसची स्ट्रॉबेरी 400-500 रुपये प्रतीकिलो दराने विकली जात आहे. धोनी त्याच्या शेतामध्ये ऑर्गेनिक शेती करत आहे. पिकांवर तो कोणत्याही प्रकारचं रासायनिक खत वापरत नाही.

धोनी आणि त्याची पत्नी साक्षीला स्ट्रॉबेरी आवडत असल्यामुळे त्यांनी फार्म हाऊसवर स्ट्रॉबेरी लावण्याचा निर्णय घेतला. स्ट्रॉबेरीमध्ये ऍन्टी ऑक्सिडेंटचे गूण आणि पॉलीफेनोल कंपाऊंड असतात, जे तब्येतीसाठी फायद्याचे ठरतात, असं सांगितलं जातं.

स्ट्रॉबेरीमध्ये पर्याप्त मात्रेत असलेलं व्हिटॅमिन सी त्वचा आणि केसांसाठी गुणकारी आहे. वजन कमी करण्यासाठीही स्ट्रॉबेरी मदत करते. याशिवाय हृदय, दात आणि हाडं मजबूत करण्यासाठीही स्ट्रॉबेरीचा वापर केला जाऊ शकतो.