MS Dhoni Retirement: आता कोण घेणार भारतीय संघात धोनीची जागा? 'हे' 6 खेळाडू शर्यतीत

भारतीय संघाचा माजी कर्णधार आणि सर्वश्रेष्ठ क्रिकेटपटू महेंद्रसिंग धोनीनं 15 ऑगस्ट रोजी आंतरराष्ट्रीय क्रिकेटमधून निवृत्ती घेतली.

धोनीनं याआधीच कसोटी क्रिकेटमधून निवृत्ती घेतली आहे. मात्र आता एकदिवसीय आणि टी-20 क्रिकेटमधून धोनीनं निवृत्ती घेतल्यानंतर भारतीय संघात धोनीची जागा घेणार कोण, असा प्रश्न समोर आला आहे. यासाठी सध्या 6 खेळाडू स्पर्धेत आहेत.

या स्पर्धेत भारताचा अनुभवी विकेटकीपर फलंदाज दिनेश कार्तिकचेही नाव सामिल आहे. दिनेश कार्तिकनं याआधी भारताला फलंदाजी आणि स्टम्पच्या मागे जबरदस्त कामगिरी करून देशाला अनेक सामने जिंकून दिले आहेत. मात्र धोनीमुळे कार्तिकला भारतीय संघात संधी मिळाली आहे. मात्र आता धोनीच्या निवृत्तीनंतर दिनेश कार्तिकसाठी भारतीय संघाची दारं पुन्हा उघडू शकतात.

सध्या धोनीचा उत्तराधिकारी म्हणून ऋषभ पंतकडे पाहिले जाते. ऋषभ पंत चांगला विकेटकीपर असला तरी जास्त अनुभव नसल्यामुळे ही जबाबदारी पंत सांभाळू शकतो, याबाबत शंका आहेत. धोनीप्रमाणे पंतही चांगला फिनीशर आहे.

ऋषभ पंतला भारतीय संघात आतापर्यंत चांगली कामगिरी करता आली नसली तरी आयपीएलमध्ये पंतचा स्ट्राइक रेट 162 आहे. पंतच्या नावावर दोन कसोटी शतकं असली तरी, तो आपल्या बेजबाबदार खेळीमुळे जास्त चर्चेत असतो. त्यामुळे पंतला धोनीची जाग घ्यायची असेल तर त्याला आणखी जबाबदारीनं खेळावे लागेल.

धोनी आणि पंत यांच्या अनुपस्थितीत केएल राहुलनं विकेटकीपर फलंदाजाची जबाबदारी सांभाळली होती. न्यूझीलंडविरुद्ध झालेल्या मालिकेत पंतला डच्चू दिल्यानंतर विराटनं राहुलकडे ही जबाबदारी सोपवली होती. आयपीएलमध्येही राहुल स्टम्प मागे चांगली कामगिरी करतो.

धोनीप्रमाणेच झारखंडहून आलेला युवा फलंदाज धोनीचा उत्तराधिकारी होण्यास सज्ज आहे. त्याचे नाव आसे इशान किशान. इशान 2016 साली अंडर-19 भारतीय संघाचा कर्णधार होता. 2017मध्ये इशान झारखंड संघाकडून सर्वात जास्त धावा करणारा फलंदाज होता. विकेटकीपर म्हणूनही इशानची कामगिरी चांगली राहिली आहे.

2018 पासून आयपीएलमध्ये इशान मुंबई संघाकडून सलामीवीर म्हणून उतरतो. एवढेच नाही तर भारत- अ संघाकडूनही इशाननं चांगली कामगिरी केली आहे. प्रथम श्रेणीमध्ये इशाननं 40 सामने खेळले आहेत. यात 2538 धावा केल्या आहेत. तर, 70 टी-20 सामन्यात 1628हून अधिक रन्स आहेत.

भारताचा आणखी एक भरवशाचा युवा खेळाडू म्हणजे संजू सॅमसन. संजू सॅमसन आयपीएलपासून सर्वांच्या नजरेत आला. मात्र भारतीय संघात त्याला जास्त संधी मिळाल्या नाही आहे. स्टम्प मागेही संजूची कामगिरी चांगली राहिली आहे.

अरुणाचल प्रदेशचा युवा खेळाडू श्रीकर भारतची कामगिरीही चांगली राहिली आहे. जानेवारी 2020मध्ये ऑस्ट्रेलियाविरुद्धच्या एकदिवसीय मालिकेसाठी भारतीय एकदिवसीय संघात ऋषभ पंतच्या जागी केएस भरतला संघात स्थान मिळाले. मात्र भरतने आतापर्यंत भारतीय संघासाठी एकही सामना खेळलेला नाही.

2015 मध्ये, भरत रणजी क्रिकेटमध्ये तिहेरी शतक झळकावणारा पहिला विकेटकीपर फलंदाज ठरला. त्या डावात 311 चेंडूंचा सामना करत त्याने 38 चौकार आणि सहा षटकारांच्या मदतीने 308 धावा केल्या. त्यामुळे केएस भारतही विकेटकीपर फलंदाज म्हणून एक चांगला पर्याय आहे.