एमएस धोनीने 13 वर्षांनी पूर्ण केलं चाहत्याचं स्वप्न, अशी आहे रंजक कहाणी

टीम इंडियाचा माजी कर्णधार असलेल्या एमएस धोनीने (MS Dhoni) आंतरराष्ट्रीय क्रिकेटमधून निवृत्ती घेतली आहे, पण त्याच्या चाहत्यांची संख्या मात्र कमी झालेली नाही. धोनीचे चाहते अजूनही त्याला मैदानात पाहण्यासाठी, त्याला भेटण्यासाठी आणि त्याच्यासोबत वेळ घालवण्याचं स्वप्न बघत असतात. धोनीने काहीच दिवसांपूर्वी त्याच्या अशाच एका चाहत्याचं स्वप्न पूर्ण केलं.

देव नावाच्या एका चाहत्याला धोनी हिमाचल प्रदेशच्या रत्नारीमध्ये जाऊन भेटला. देवने ही संपूर्ण कहाणी इन्स्टाग्रामवर शेयर केली आहे. काहीच दिवसांपूर्वी धोनी आपल्या कुटुंबासोबत हिमाचल प्रदेशमध्ये गेला होता. यावेळी धोनी रत्नारीमधल्या मीनाबाग हॉटेलमध्ये थांबला. शिमल्याच्या एका हॉटेलमध्ये काम करणाऱ्या देवला धोनी इकडे आल्याचं कळलं, तेव्हा त्याने आपल्या मॅनेजरला रत्नारीला ट्रान्सफर करायला सांगितलं. धोनीला जेव्हा हे कळलं तेव्हा त्याने रत्नारीला जायचं ठरवलं.

देवची ही विनंती मॅनेजरने मान्य केली आणि त्याची ट्रान्सफर रत्नारीला केली, यानंतर त्याची आणि धोनीची भेट झाली. यानंतर देवने आपल्या मोबाईल कव्हरवर धोनीची सही घेतली. (Instagram/MeenaBaghHomes)

आयपीएल-14 स्थगित झाल्यानंतर धोनी आपल्या घरी रांचीला गेला, यानंतर तो कुटुंबासोबत सुट्टी एन्जॉय करण्यासाठी हिमाचल प्रदेशमध्ये आला होता.

2005 सालीही देवने धोनीला भेटण्याचा प्रयत्न केला होता, पण सुरक्षेच्या कारणामुळे त्याला धोनीला भेटता आलं नाही. आयपीएलच्या सेकंड राऊंडमध्ये धोनी पुन्हा एकदा चेन्नईचं नेतृत्व करताना दिसेल. या स्पर्धेचा पहिला राऊंड भारतात झाला होता, पण कोरोना व्हायरसमुळे स्पर्धा स्थगित करण्यात आली होती. (instagram/Sakshi Dhoni)

एमएस धोनीने 4 जुलैला पत्नी साक्षीसोबत आपल्या लग्नाचा वाढदिवस साजरा केला. यावेळी त्याने साक्षीला विंटेज कार गिफ्ट दिली. 4 जुलै 2010 ला या दोघांनी लग्न केलं होतं.