सुपरमॉम मेरी कोमने रचला इतिहास, सहाव्यांदा बनली चॅम्पियन

24 नोव्हेंबर : पाच वेळची वर्ल्ड बाॅक्सिंग चॅम्पियन मेरीकोमने आता सहाव्यांदा विजयाला गवसणी घातली आहे. महिला वर्ल्ड चॅम्पियनशिपमध्ये मेरीकोमने सुवर्णपदक पटकावले आहे. मेरीकोमचे हे सहावे सुवर्णपदक आहे.

महिला वर्ल्ड चॅम्पियनशिपमध्ये आज मेरीकोम आणि युक्रेनची हेना ओखोटा यांच्यात चॅम्पियनशिपसाठी लढत झाली.

पहिल्या फेरीपासून मेरीकोमने जोरदार प्रहार केला. पण हेना ओखोटानेही प्रतिकार करत बचाव केला.

ओखोटाने बचावाची भूमिका घेतल्यामुळे मेरीकोमला थोडा अडथळा आला खरा पण अखेर जागा घेत गुणांची कमाई केली.

ओखोटाने पंचावर प्रभाव टाकण्यासाठी आपण जिंकलो असल्याचं दाखवत हात उंचावला. पण, पंचांनी आपला कौल देत मेरीकोमच्या विजयी घोषित केलं.

तिसऱ्या फेरीमध्ये मेरीकोमने ओखोटावर जोरदार हल्ला चढवला आणि विजय मिळवला.

मेरीकोमने आतापर्यंत वर्ल्ड चॅम्पियनशिपमध्ये पाचवेळा सुवर्णपदक पटकावले आहे.

तर मेरीकोमने आतापर्यंत एक रौप्यपदक पटकावले आहे. तिच्या विजयामुळे चाहत्यांनी स्टेडियममध्ये मेरीकोमच्या नावाने एकच जयघोष केला.