भारताचा 'हा' स्टार युवा फलंदाज अडकला लग्नबंधनात! सोशल मीडियावर शेअर केले खास PHOTO

भारतीय क्रिकेट संघाचे खेळाडू सध्या कोरोनामुळे आपल्या घरीच आहेत. दुसरीकडे भारताचा फिरकीपटू युझवेंद्र चहलनं शनिवारी साखरपूडा केला, त्यानंतर आणखी एक युवा फलंदाज लग्नबंधनात अडकल्याचे समोर आले आहे.

युवा क्रिकेटपटू केएस भरतनं कोरोनाच्या संकटात लग्न केले आहे. मोजके मित्र आणि कुटुंबासमवेत केएस भारत विवाहबंधनात अडकला.

आंध्र प्रदेशचा फलंदाज के भरतनं सोशल मीडियावर फोटो शेअर करत लग्नबंधनात अडकल्याची माहिती दिली. भरतनं 10 वर्ष रिलेशनशिपमध्ये असलेल्या अंजलीसोबत 5 ऑगस्ट रोजी लग्न केले.

विशाखापट्टणममध्ये एका सोहळ्यात या दोघांनी पूर्ण रीती रिवाजांनी लग्न केले. लग्नाचे फोटो अपलोड करताना त्याने कॅप्शनमध्ये लिहिले आहे की, आम्हाला प्रेम मिळालं आणि आता आम्ही पुढच्या प्रवासासाठी सज्ज आहोत.

जानेवारी 2020मध्ये ऑस्ट्रेलियाविरुद्धच्या एकदिवसीय मालिकेसाठी भारतीय एकदिवसीय संघात ऋषभ पंतच्या जागी केएस भरतला संघात स्थान मिळाले. मात्र भरतने आतापर्यंत भारतीय संघासाठी एकही सामना खेळलेला नाही.

2015 मध्ये, भरत रणजी क्रिकेटमध्ये तिहेरी शतक झळकावणारा पहिला विकेटकीपर फलंदाज ठरला. त्या डावात 311 चेंडूंचा सामना करत त्याने 38 चौकार आणि सहा षटकारांच्या मदतीने 308 धावा केल्या.