IPL 2022 : KL राहुल-राशिद खान लखनऊकडून खेळण्यास तयार, पांड्या-किशन पैकी एकाला मिळणार संधी, पाहा PHOTOS

IPL 2022 मध्ये पहिल्यांदाच उतरणाऱ्या लखनौच्या संघाने आपली तयारी जोरात सुरू केली आहे. लखनौ फ्रँचायझीने अँडी फ्लॉवर यांची संघाचे मुख्य प्रशिक्षक म्हणून नियुक्ती केली आहे. त्याचबरोबर माजी भारतीय क्रिकेटपटू गौतम गंभीरला मेंटर करण्यात आले आहे. आता केएल राहुल संघाचा कर्णधार होऊ शकतो, अशी माहिती समोर येत आहे. राहुल गेल्या मोसमात पंजाब किंग्जचा कर्णधार होता. मात्र आता यावेळी तो पंजाबकडून खेळणार नाहीये.

माजी भारतीय क्रिकेटपटू आकाश चोप्रानं म्हटलं आहे की लखनौ फ्रँचायझी राशिद खानला आपल्या संघात घेण्यासाठी प्रयत्न करत आहे. राशिद खाननं 76 सामन्यांत 93 बळी घेतले आहेत. राशिद खान आता सनरायझर्स हैदराबादकडून खेळणार नाही.

हार्दिक पांड्या सध्या भारतीय क्रिकेट संघातून बाहेर असल्यानं सध्या तो आपल्या गोलंदाजीवर लक्ष केंद्रीत करत आहे. मुंबई इंडियन्सने त्याला आयपीएल 2022 साठी रिटेन केलेलं नाही. अशा परिस्थितीत तो अहमदाबाद किंवा लखनऊची टिम जॉईन करू शकतो.

इशान किशनने गेल्या दोन मोसमात मुंबई इंडियन्सकडून चांगली कामगिरी केली आहे. तो यष्टीरक्षणाबरोबर चांगली बॅटिंगही करत असल्यानं त्याला भारतीय टी-20 संघात संधी मिळाली होती. जर त्याला लखनौकडून संधी मिळाल्यास केएल राहुलसोबत त्यांची ओपनिंग जोडी चांगली जमू शकते.

लखनौचा संघ बेन स्टोक्स, कागिसो रबाडा आणि स्टीव्ह स्मिथ यांसारख्या परदेशी खेळाडूंना घेण्यासाठीही प्रयत्न करत आहे. याशिवाय संघाची नजर मोहम्मद शमी, हर्षल पटेल, युझवेंद्र चहल या भारतीय खेळाडूंवरही लखनौची नजर असणार आहे.

जगातील सर्वात श्रीमंत क्रिकेट लीग असलेल्या IPL च्या पुढच्या हंगामात 2 नवीन संघ जोडले जाणार आहेत, ज्यामुळं आता लीगमध्ये एकूण 10 संघ होणार आहे. एक संघ लखनौ आणि दुसरा अहमदाबाद असेल. त्याचबरोबर आता पुढच्या हंगामासाठी मेगा लिलावही होणार आहे.