Jasprit Bumrahच्या बर्थडे दिवशी पत्नी संजनाची रोमँटिक पोस्ट व्हायरल, म्हणाली...

भारतीय क्रिकेट संघाचा स्टार गोलंदाज जसप्रीत बुमराह आज आपला 28 वा वाढदिवस साजरा करत आहे. बुमराह सध्या क्रिकेटमधून ब्रेकवर असून तो त्याचा वाढदिवस कुटुंबासोबत साजरा करत आहे.

वाढदिवसानिमित्ती स्पोर्ट्स अँकर पत्नी संजना गणेशने पती म्हणजेच बर्थ डे बॉय जसप्रीत बुमराहला रोमँटिक अंदाजात विश केले आहे.

दोघांचा रोमँटिक फोटो पोस्ट करत संजनाने खास कॅप्शन देत बुमराहला शुभेच्छा दिल्या आहेत. 'ज्या ठिकाणी मला नेहमी तुझ्यासोबत राहायचे आहे..' वाढदिवसाच्या मनापासून शुभेच्छा...असे तिने कॅप्शनमध्ये म्हटले आहे.

संजनाच्या या पोस्टला उत्तर देत जसप्रीतने हर्टचा इमोजी शेअर केला आहे.

जसप्रीत बुमराह आणि टीव्ही प्रेझेंटर संजना गणेशन यांनी 5 मार्च 2021 रोजी गोव्यात लग्नगाठ बांधली.

संजना टीव्ही आणि स्पोर्ट्स प्रेझेंटर आहे. T20 विश्वचषकादरम्यान संजना आयसीसीसाठी अँकरिंग करताना दिसली होती. याशिवाय सजना आयपीएल आणि स्टार स्पोर्ट्स मॅचेसचे अँकरिंग करते.

सूत्रांच्या माहितीनुसार संजनानं 2012 मध्ये सिम्बायोसिस या संस्थेतून बीटेकचं शिक्षण घेतलं. यानंतर वर्षभरासाठी तिनं सॉफ्टवेअर इंजिनिअर म्हणूनही काम पाहिले आहे.

बुमराह ICC टी20 वर्ल्डकप 2021 पासून विश्रांतीवर आहे. बुमराह न्यूझीलंडविरुद्ध नुकत्याच संपलेल्या टी-20 मालिकेनंतर दोन सामन्यांच्या कसोटी मालिकेचा भागही बनला नाही. आगामी दक्षिण आफ्रिका दौऱ्यावर जसप्रीत बुमराह पुन्हा एकदा अ‍ॅक्शनमध्ये दिसणार आहे.

बुमराह भारताच्या सर्वश्रेष्ठ गोलंदाजांपैकी एक आहे. बुमराहने आपल्या कारकिर्दीत 24 कसोटी सामन्यांत 101 विकेट्स, 67 एकदिवसीय मालिका आणि 108 विकेट्स घेतले आहेत. तसेच 55 टी-20 आंतरराष्ट्रीय सामन्यांत 66 विकेट्स घेतले आहेत. संपूर्ण टी-20 सामन्यांत 237 विकेट्स आपल्या नावावर केले आहेत.