IND vs ENG : टीम इंडिया कोरोनाला घाबरत नाही; खेळाडूंचा गर्दीच्या ठिकाणी धोकादायक प्रवास

इंग्लंडमध्ये कोरोना रुग्णांची संख्या दिवसेंदिवस वाढत चालली असताना टीम इंडियाचे खेळाडू मात्र बिनधास्त मास्कचा वापर न करता भटकंती करत आहेत. भारताचा फास्ट बॉलर जसप्रीत बुमराह त्याची पत्नी संजना गणेशनसोबत युरो कप सेमी फायनल बघण्यासाठी गेले. वेम्बलेच्या स्टेडियममध्ये झालेल्या या सामन्यात इटलीने पेनल्टी शूटआऊटमध्ये स्पेनचा 4-2 ने पराभव केला. (Photo- SanjanaGanesan)

भारतीय क्रिकेट टीमचे मुख्य प्रशिक्षक रवी शास्त्री विम्बलडनमध्ये रॉजर फेडररची मॅच पाहण्यासाठी गेले. (Ravi shastri Twitter)

भारताचा नंबर वन ऑफ स्पिनर आर.अश्विनही विम्बलडनची मॅच पाहण्यासाठी गेला होता. (R Ashwin)

भारताचा फास्ट बॉलर इशांत शर्मा त्याची पत्नी प्रतिमासोबत फिरत आहे. या दोघांचा धबधब्यावरचा एक फोटो सोशल मीडियावर व्हायरल झाला आहे. (Ishant Sharma Instagram)

भारताचा विकेट कीपर ऋषभ पंत युरो कपची मॅच बघण्यासाठी वेंबले स्टेडियममध्ये गेला होता. या स्टेडियममध्ये हजारोंच्या संख्येने प्रेक्षक उपस्थित होते. (Rishabh Pant Instagram)

रोहित शर्मा-अजिंक्य रहाणेही लंडनच्या गर्दी असलेल्या भागात फिरताना दिसले. कोरोनाच्या भीतीमध्ये खेळाडू हा धोका पत्करत आहेत. (Ajinkya Rahane Instagram)

भारतीय खेळाडू सुट्टी संपल्यानंतर 14 जुलैला डरहममध्ये बायो-बबलमध्ये प्रवेश करतील. इंग्लंडविरुद्धच्या टेस्ट सीरिजआधी टीम इंडिया सराव सामना खेळेल.

इंग्लंडमध्ये कोरोना व्हायरसच्या डेल्टा-3 चे रुग्ण मोठ्या प्रमाणात वाढत आहेत. इंग्लंड टीममधल्या 7 जणांना कोरोनाची लागण झाली, ज्यामुळे इंग्लंडला पाकिस्तानविरुद्धच्या सीरिजसाठी संपूर्ण टीमच बदलावी लागली.

इंग्लंडमधली कोरोनाची वाढती रुग्णसंख्या बघता टीम इंडियाला जास्त काळजी घेण्याची गरज आहे.