टीम इंडियातून बाहेर, BCCI कॉन्ट्रॅक्ट नाही, दिल्ली कॅपिटल्सचाही डच्चू, स्टार खेळाडूचं करियर संपलं!

टीम इंडियातून बराच काळ खेळलेल्या फास्ट बॉलरला आता कोणत्याही टीमच्या प्लेयिंग इलेव्हनमध्ये संधी मिळणंही मुश्कील झालं आहे. दुखापत आणि खराब फॉर्ममुळे इशांत शर्मा टीम इंडियाच्या तीनही फॉरमॅटमधून बाहेर झाला. आता बीसीसीआयने जाहीर केलेल्या करारबद्ध खेळाडूंच्या यादीतही इशांतचा समावेश नाही. यानंतर इशांतला आयपीएलकडून अपेक्षा होत्या.

दिल्लीकडून स्थानिक क्रिकेट खेळून टीम इंडियात जागा मिळवलेल्या इशांतला आयपीएलमध्येही याच टीमने सहारा दिला. पण पहिल्याच सामन्यात दिल्लीने इशांतला खेळण्याची संधी दिली नाही. -(Ishant Sharma Instagram)

आयपीएल 2023 च्या मोसमाला दिल्लीने लखनउविरुद्धच्या मॅचपासून सुरूवात केली. लखनऊने पहिले बॅटिंग करत 6 विकेट गमावून 193 रन केले. या आव्हानाचा पाठलाग करताना दिल्लीला 9 विकेट गमावून 143 रन करता आले, त्यामुळे लखनऊचा 50 रनच्या मोठ्या फरकाने विजय झाला.

दिल्लीच्या टीममध्ये उत्कृष्ट आणि युवा फास्ट बॉलर आहेत. इशांत शर्माला दिल्लीने लिलावात विकत तर घेतलं, पण त्याला खेळण्याची संधी मिळण्याची शक्यता कमी आहे, त्यामुळे टीम इंडियाच्या एकेकाळच्या या स्टारचं करिअर जवळपास संपुष्टात आल्याचं बोललं जात आहे.