IND vs ENG : इशांत शर्मा पत्नीसोबत धबधब्यावर, कोरोनाची भीती नाही

इंग्लंडमध्ये कोरोना व्हायरसचे रुग्ण वारंवार वाढत आहेत. असं असलं तरी टीम इंडियाचे खेळाडू बायो-बबलबाहेर कुटुंबासोबत फिरत आहेत. भारतीय खेळाडू लंडन आणि आसपासच्या परिसरात सार्वजनिक ठिकाणी सुट्टी एन्जॉय करत आहेत. तर काही जण ग्रामीण भागात भटकंती करत आहेत. भारताचा फास्ट बॉलर इशांत शर्मा त्याची पत्नी प्रतिमासोबत फिरत आहे. या दोघांचा धबधब्यावरचा एक फोटो सोशल मीडियावर व्हायरल झाला आहे. (Ishant Sharma Instagram)

इशांत शर्मा गर्दी नसलेल्या ठिकाणी सुट्टी घालवत आहे, पण बाकीच्या खेळाडूंच्या बाबत परिस्थिती वेगळी आहे.

भारताचा विकेट कीपर ऋषभ पंत युरो कपची मॅच बघण्यासाठी वेंबले स्टेडियममध्ये गेला होता. या स्टेडियममध्ये हजारोंच्या संख्येने प्रेक्षक उपस्थित होते. (Rishabh Pant Instagram)

रोहित शर्मा-अजिंक्य रहाणेही लंडनच्या गर्दी असलेल्या भागात फिरताना दिसले. कोरोनाच्या भीतीमध्ये खेळाडू हा धोका पत्करत आहेत. (Ajinkya Rahane Instagram)

आर.अश्विन आणि टीम इंडियाचे मुख्य प्रशिक्षक रवी शास्त्री विम्बलडनचा सामना पाहण्यासाठी गेले होते, तिकडेही मोठ्याप्रमाणावर गर्दी होती. ( R Ashwin Instagram)

इंग्लंडमध्ये कोरोना व्हायरसच्या डेल्टा-3 चे रुग्ण मोठ्या प्रमाणात वाढत आहेत. इंग्लंड टीममधल्या 7 जणांना कोरोनाची लागण झाली, ज्यामुळे इंग्लंडला पाकिस्तानविरुद्धच्या सीरिजसाठी संपूर्ण टीमच बदलावी लागली.

इंग्लंडने वनडे सीरिजसाठी बेन स्टोक्सला कर्णधार म्हणून नियुक्त केलं आहे. सोबतच टीममध्ये 9 असे खेळाडू आहेत, ज्यांची पहिल्यांदाच राष्ट्रीय टीममध्ये निवड झाली आहे.