कोण आहे अनुपमा परमेश्वरन? जसप्रीत बुमराहबरोबर हिचं नाव चर्चेत

भारतीय क्रिकेटपटू जसप्रीत बुमराह (Jasprit Bumrah) भारत-इंग्लंडविरुद्धच्या चौथ्या टेस्ट मॅचमध्ये खेळणार नाही.

बुमराहने वैयक्तिक कारण सांगत चौथ्या टेस्टमध्ये न खेळण्याचं सांगितलं.

बुमराहसोबतच साउथ इंडियन अभिनेत्री अनुपमा परमेश्वरननेही (Anupama Parameswaran) सुट्टी घेतली आहे.

बीसीसीआयच्या एका अधिकाऱ्याने दिलेल्या माहितीनुसार, बुमराहने आपल्या लग्नाच्या तयारीसाठी सुट्टी घेतली आहे.

या आठवड्यात तो विवाहबद्ध होणार असल्याची चर्चा आहे.

दोघांनी एकत्र सुट्टी घेतल्यानंतर सोशल मीडियावर या दोघांची मोठी चर्चा आहे.

काही महिन्यांपूर्वी बुमराह आणि अनुपमा डेट करत असल्याच्या चर्चा होत्या.

यापूर्वी दोघांना एकत्र पाहण्यात आलं आहे.

दक्षिणात्य चित्रपटातील प्रसिद्ध अभिनेत्री अनुपमा परमेश्वरननेही (Anupama Parmeswaran On leave) आपल्या चित्रीकरणातून सुट्टी घेतली आहे.

25 वर्षीय अनुपमाने तेलुगू आणि मल्याळम चित्रपटात काम केलं आहे.

'मी लग्न करत असल्याने लग्नाच्या तयारीसाठी मला सुट्टी हवी आहे,' असं जसप्रीत बुमराहने बीसीसीआयला सांगितल्याची माहिती आहे.

परंतु लग्न नेमकं कोणासोबत होणार, याबाबत कोणतीही अधिकृत माहिती समोर आलेली नाही.

बॉलिवूड सेलिब्रेटींप्रमाणेच क्रिकेटर्सचा विवाहसोहळा हा नेहमीच चर्चेचा विषय असतो.

आपल्या घातक यॉर्कर्सने जगभरातील दिग्गज फलंदाजांची विकेट घेणाऱ्या बुमराहची विकेट नेमकी कोणी घेतली, याबाबत त्याच्या चाहत्यांमध्ये उत्सुकता निर्माण झाली आहे.

जसप्रीत बुमराह आणि अनुपमा दोघं विवाहबंधनात (bumrah Anupama Parmeswaran Marriage) अडकणार असल्याच्या चर्चांना उधाण आलं आहे.

भारताचा वेगवान गोलंदाज जसप्रीत बुमराह (Jasprit Bumrah) हा त्याच्या दमदार कामगिरीसाठी नेहमीच चर्चेत असतो.

मात्र सध्या बुमराह त्याच्या लग्नाच्या बातमीने चर्चेत आला आहे.

अद्याप बुमराने अधिकृतपणे आपल्या लग्नाविषयी कोणतीही माहिती दिलेली नाही.

अनुपमानेही कुठेही तिच्या लग्नाबाबत माहिती दिलेली नाही.

मात्र दोघांच्या डेटिंगच्या चर्चा आणि आता दोघांनी एकत्र सुट्टी घेतल्याने बुमराह आणि अनुपमा लग्नबंधनात अडकणार असल्याचं बोललं जात आहे.

या चर्चांदरम्यान आता नेमकं काय होतं हे पाहणं औत्सुक्याचं ठरणार आहे. (सर्व फोटो सौजन्य : anupamaparameswaran96)