Hijab Controversy : इरफान पठाणची पत्नी हिजाब का घालते? स्वत:च सांगितलं कारण

कर्नाटकमध्ये सध्या हिजाबवरून सुरू असलेल्या वादाची (Karnataka hijab controversy) देशभरात चर्चा आहे. त्यातच भारताचा माजी क्रिकेटपटू इरफान पठाण (Irfan Pathan) याने याबाबत एक ट्वीट केलं आहे. निवडणुका आल्या आहेत का? असा प्रश्न इरफान पठाणने ट्विटरवर विचारला आहे. इरफानचा हा प्रश्न म्हणजे त्याने अप्रत्यक्षरित्या हिजाब वादावर टीका केल्याचं बोललं जातंय.

इरफान पठाण याची पत्नी सफा बेग हिच्यावरही हिजाब घातल्यामुळे टीका करण्यात आली होती. इरफान पठाण (Irfan Pathan) त्याची पत्नी सफा बेगसोबत (Safa Baig) नेहमीच सोशल मीडियावर फोटो शेयर करत असतो. या सगळ्या फोटोंमध्ये सफा हिजाब घालून असते.

सफाचा जन्म 28 फेब्रुवारी 1994 साली झाला होता. सऊदी अरबच्या जेद्दा जिल्ह्यातल्या अजिजियामध्ये ती लहानाची मोठी झाली. इथल्या इंटरनॅशनल इंडियन स्कूलमधून तिने शाळेचं शिक्षण पूर्ण केलं.

सफा आणि इरफान एकमेकांना कुठे भेटले याबाबत अजूनही कोणाला फारशी माहिती नाही. पण 2014 साली दोघं दुबईमध्ये भेटले होते. यानंतर 2016 साली दोघांनी लग्न केलं.

सफा बेग मध्य पूर्व आशियामध्ये एक मोठी मॉडेल होती. तिचे फोटोही तिथल्या मोठ्या फॅशन मॅगझिनमध्ये आले होते.

सफा बेग इरफान पठाणपेक्षा 10 वर्षांनी लहान आहे.

मॉडेल असण्याशिवाय सफा नेल आर्टिस्टही आहे. सफाने तिचं एक पेजही सुरू केलं आहे. ज्याचं नाव Flickr page असं आहे.

काही दिवसांपूर्वी सफाला हिजाब घातल्यामुळे आणि इरफानसोबत फोटो काढताना चेहऱ्यावर हात ठेवल्यामुळे ट्रोल करण्यात आलं. यावरून सफाने प्रतिक्रिया दिली. मी माझ्या मर्जीने हिजाब घालते आणि चेहरा लपवते, असं तिने सांगितलं.

इरफानच्या पत्नीचा चेहरा ब्लर केलेला फोटो शेयर केल्यानंतरही मोठा वाद झाला होता. हा फोटो माझ्या राणीने (पत्नी) मुलाच्या अकाऊंटवरुन पोस्ट केला आहे. या फोटोवरुन आम्हाला अनेकांचा द्वेष सहन करावा लागत आहे. माझ्या पत्नीने तिच्या मर्जीने स्वत:चा चेहरा ब्लर केला आहे. मी तिचा मालक नाही तर जोडीदार आहे,' असं इरफान म्हणाला होता.