IPL Auction 2022 : रेकॉर्डब्रेक बोली लागल्यानंतर इशानच्या गर्लफ्रेंडची प्रतिक्रिया, अशी आहे Love Story

आयपीएल 2022 च्या लिलावात (IPL Auction 2022) अनेक खेळाडूंचं नशीब बदललं. काही खेळाडूंवर कोट्यावधींची बोली लागली, तर अनेक दिग्गज अनसोल्ड राहिले. इशान किशन (Ishan Kishan) आयपीएलच्या यंदाच्या मोसमातला सर्वाधिक रक्कम मिळवणारा खेळाडू ठरला.

इशान किशनला मुंबई इंडियन्सने (Mumbai Indians) 15.25 कोटी रुपयांना विकत घेतलं. आयपीएल इतिहासातला तो दुसरा सगळ्यात महागडा खेळाडू ठरला. इशान किशन मागच्या बऱ्याच काळापासून मुंबईकडून खेळत आहे.

आयपीएल लिलावानंतर इशान किशनने इन्स्टाग्रामवर व्हिडिओ टाकत आपला आनंद जाहीर केला. इशान किशनच्या या व्हिडिओवर त्याची गर्लफ्रेंड आदिती हुंडियाने कमेंट केली.

अभिमान, अशी कमेंट आदितीने या व्हिडिओवर केली. तसंच तिने निळ्या बदामाची इमोजीही पोस्ट केली. आदिती आणि इशान किशन यांनी त्यांच्या नात्याबाबत अजून काहीही खुलासा केलेला नाही, पण अनेकवेळा दोघं एकत्र दिसले आहेत, त्यामुळे ते रिलेशनशीपमध्ये असल्याचं बोललं जातं.

दोघांच्या रिलेशनशीपबाबतच्या चर्चा 2019 पासून सुरू झाल्या होत्या, जेव्हा एका सामन्यात आदिती इशान किशनला पाठिंबा देण्यासाठी स्टेडियममध्ये आली होती, यानंतर अनेकवेळा तिने इशान किशनच्या शानदार खेळीनंतर कमेंट केल्या.

आदिती हुंडिया एक प्रोफेशनल मॉडेल आहे, 2017 साली ती मिस इंडिया कंटेस्टची फायनलिस्ट होती. याशिवाय अनेक ब्युटी कॉम्पिटिशनमध्ये ती सहभागी झाली आहे.

आदिती हुंडिया तिचे फोटो सोशल मीडियावर कायमच शेयर करते. तसंच तिच्या फॉलोअर्सची संख्याही लाखांच्या घरात आहे. सोशल मीडियावर हॉट फोटो टाकून आदिती चर्चेत असते.