IPL 2023 : मुंबईच नाही तर या 5 टीमलाही धक्का! स्टार क्रिकेटर्स शिवाय उतरणार मैदानात

रिषभ पंत : दिल्ली कॅपिटल्स संघाचा माजी कर्णधार रिषभ पंत हा 31 डिसेंबर 2022 रोजी कार अपघातात गंभीर जखमी झाला होता. यामुळे रिषभचाय पायावर दोन सर्जरी करण्यात आल्या असून रिषभ सध्या दुखापतीतून सावरत आहे. तेव्हा आयपीएल 2023 मध्ये रिषभ पंत खेळणार नसून त्याच्या ऐवजी ऑस्ट्रेलियाचा डेव्हिड वॉर्नर याच्याकडे दिल्ली कॅपिटल संघाचे कर्णधार पद सोपवण्यात आले आहे.

जसप्रीत बुमराह : मुंबई इंडियन्स संघाचा स्टार गोलंदाज जसप्रीत बुमराह मागील अनेक काळापासून त्याच्या पाठीच्या दुखापतीमुळे त्रस्त आहे. काही दिवसांपूर्वीच त्याच्या पाठीवर शस्त्रक्रिया झाली असल्याने तो यंदा आयपीएल च्या 16 व्या सिझनमध्ये दिसणार नाही.

झाय रिचर्डसन : मुंबई इंडियन्स संघाचा फलंदाज झाय रिचर्डसन याच्यावर काही दिवसांपूर्वी शस्त्रक्रिया झाली. त्यामुळे यंदा झाय हा आयपीएल 2023 ला मुकणार आहे.

काईल जेमिसन : चेन्नई सुपरकिंग्स संघाचा खेळाडू काईल जेमिसन हा पाठीच्या दुखापतीमुळे त्रस्त आहे. आयपीएल 2023 आधी तो दुखापतीतून पूर्णपणे बरा होऊ शकलेला नाही.

प्रसिद्ध कृष्णा : राजस्थान रॉयल्सचा अनुभवी क्रिकेटर प्रसिद्ध कृष्णा हा यंदा आयपीएलला मुकणार आहे. कृष्णाला काही महिन्यांपूर्वी दुखापत झाली होती यावर सर्जरी देखील करण्यात आली आहे. परंतु कृष्णा हा आयपीएल खेळण्यासाठी फिट झालेला नाही.

विल जॅक्स : रॉयल चॅलेंजर्स बँगलोर संघाचा क्रिकेटर विल जॅक्स हा दुखापतीच्या कारणामुळे आयपीएल 2023 मधून बाहेर पडला आहे. आरसीबी संघाने विल जॅक्सची रिप्लेसमेंट म्हणून मायकेल ब्रेसवेल याला संघात स्थान दिले आहे.

पैट कमीन्स : कोलकाता नाईट रायडर्स संघाचा खेळाडू पैट कमीन्स हा यंदा त्याच्या व्यस्त शेड्युलमुळे आयपीएल 2023 मध्ये खेळणार नाही.

अॅनरिक नॉर्टजे : दिल्ली कॅपिटल्स संघाचा क्रिकेटर अॅनरिक नॉर्टजे हा दुखापतीच्या कारणाने आयपीएल 2023 मध्ये खेळताना दिसणार नाही. .