IPL 2022 : कॅप्टन्सी सोडली तरी कोहलीच किंग, या Photo नी पुन्हा सिद्ध केलं!

आयपीएल 2022 (IPL 2022) च्या मोसमाला 26 मार्चपासून सुरूवात होत आहे, त्यासाठी प्रत्येक टीमच्या तयारीला सुरूवात झाली आहे, तर काही खेळाडू आता टीमच्या बायो-बबलमध्ये यायला सुरूवात झाली आहे. आरसीबीचा (RCB) माजी कर्णधार विराट कोहलीही (Virat Kohli) टीममध्ये दाखल झाला आहे. (Photo- RCB)

आरसीबीने त्यांच्या सोशल मीडिया अकाऊंटवरून विराटच्या आगमनाचे फोटो शेयर केले आहेत. किंग कोहलीचं आगमन, हीच बातमी आहे, असं कॅप्शन आरसीबीने या फोटोंना दिलं आहे. (Photo- RCB)

आयपीएलच्या मागच्या मोसमात विराट कोहलीने आरसीबीची कॅप्टन्सी सोडली. आपण आरसीबीची कॅप्टन्सी सोडली असली तरी निवृत्त होईपर्यंत आपण आरसीबीकडूनच खेळणार असल्याचं विराटने जाहीर केलं होतं. (Photo- RCB)

आयपीएलच्या पहिल्या मोसमापासून विराट आरसीबीकडून खेळत आहे. सलग सगळे मोसम एकाच टीमकडून खेळण्याचा विक्रम विराट कोहलीच्या नावावर आहे. 2013 साली विराटला आरसीबीने कर्णधार केलं, पण त्याला एकदाही टीमला आयपीएल ट्रॉफी जिंकवता आली नाही. (Photo- RCB)

आयपीएलच्या यंदाच्या मोसमात आरसीबीने दक्षिण आफ्रिकेच्या फाफ डुप्लेसिसला (Faf Du Plessis) टीमचं नेतृत्व दिलं आहे. आरसीबीला पहिल्यांदाच चॅम्पियन बनवण्याचं आव्हान डुप्लेसिसकडे असणार आहे.