IPL 2021 : सिंगापूरचा आक्रमक खेळाडू आयपीएल खेळणार, या टीमसोबत केला करार

आयपीएल 2021 (IPL 2021) च्या दुसऱ्या सत्राला 19 सप्टेंबरपासून युएईमध्ये सुरुवात होणार आहे. त्याआधी रॉयल चॅलेंजर्स बँगलोरच्या टीममध्ये (RCB) मोठे बदल झाले आहेत. बँगलोरच्या टीमने एडम झम्पा, केन रिचर्डसन, फिन एलन यांच्याऐवजी वानेंदु हसारंगा, दुष्मंता चमीरा आणि टीम डेव्हिड यांना टीममध्ये घेतलं आहे. हसारंगा आणि चमीरा यांना भारतीय चाहत्यांनी मागच्याच महिन्यात बघितलं होतं. श्रीलंकेच्या या दोन्ही खेळाडूंनी भारताविरुद्धच्या वनडे आणि टी-20 सीरिजमध्ये शानदार कामगिरी केली होती. पण टीम डेव्हिड भारतात फार परिचित नाव नाही. (Tim David Instagram)

टीम डेव्हिड सिंगापूरचा क्रिकेटपटू आहे, ज्याने आतापर्यंत 14 टी-20 मॅचमध्ये आपल्या देशाचं प्रतिनिधीत्व केलं. टीम डेव्हिडची टी-20 सरासरी 46.50 आणि स्ट्राईक रेट 158 पेक्षा जास्त आहे. टीम डेव्हिडने 4 अर्धशतकंही केली आहेत. (Tim David Instagram)

लिस्ट ए क्रिकेटमध्ये टीम डेव्हिडने 15 मॅचमध्ये 78.77 च्या सरासरीने 709 रन केले, त्याचा स्ट्राईक रेटही 121 पेक्षा जास्त आहे. डेव्हिडने 2 शतकं आणि 5 अर्धशतकं केली आहेत. (Tim David Instagram)

टीम डेव्हिड सध्या इंग्लंडमध्ये सर्रेकडून खेळत आहे. मागच्या आठवड्यात 15 ऑगस्टला त्याने धडाकेबाज शतक केलं होतं. रॉयल लंडन वनडे कपच्या क्वार्टर फायनलमध्ये ग्लूस्टरशरविरुद्ध सर्रेची टीम 243 रनच्या आव्हानाचा पाठलाग करत होती, तेव्हा टीम डेव्हिडने चौथ्या क्रमांकावर येऊन 73 बॉलमध्येच 102 रन केले. आपल्या शतकीय खेळीमध्ये त्याने 11 फोर आणि 5 सिक्स लगावल्या. (Tim David Instagram)

25 वर्षांच्या डेव्हिड जगभरात लीग क्रिकेट खेळतो. तो पीएसएलमध्ये लाहोर कलंदर्स, सीपीएलमध्ये सेन्ट लुसिया किंग्स, बिग बॅश लीगमध्ये पर्थ स्कॉचर्स आणि होबार्ट हरीकेन्स टीमकडून खेळला आहे. याशिवाय टीमने वेस्टर्न ऑस्ट्रेलिया इलेव्हन टीमचंही प्रतिनिधीत्व केलं. (Tim David Instagram)

टीम डेव्हिडने संपूर्ण टी-20 करियरमध्ये 49 मॅच खेळून 36 पेक्षा जास्तच्या सरासरीने 1,171 रन केले, यात त्याचा स्ट्राईक रेट 155 पेक्षा जास्त आहे. याच कारणामुळे विराटने त्याला आयपीएलमध्ये संधी दिली आहे. (Tim David Instagram)

टीम डेव्हिडमध्ये मधल्या फळीत आक्रमक बॅटिंग करून मॅचचा निकाल बदलण्याची क्षमता आहे. पॉईंट्स टेबलमध्ये आरसीबी तिसऱ्या क्रमांकावर आहे. 7 पैकी 5 मॅचमध्ये त्यांचा विजय झाला आहे. (Tim David Instagram)