IPL 2021 : हे 7 विक्रम करून धोनी आयपीएलला करणार अलविदा!

भारताचा महान क्रिकेटपटू एमएस धोनीची (MS Dhoni) गणना जगातल्या सर्वोत्तम कर्णधारांमध्ये होते. आयपीएल 2021 (IPL 2021) मध्ये धोनी 13 व्या मोसमात नेतृत्व करेल. त्याने 12 वेळा चेन्नई सुपरकिंग्सचं तर एकदा रायजिंग पुणे सुपरजायंट्सचं नेतृत्व केलं आहे. धोनीने चेन्नईला तीनवेळा आयपीएल ट्रॉफी जिंकवून दिली आहे. धोनीची ही शेवटची आयपीएल स्पर्धा असेल, असं बोललं जात आहे, त्यामुळे तो यंदा 7 मोठे विक्रम करून क्रिकेटला अलविदा करेल, अशी शक्यता आहे. (CSK/Twitter)

एमएस धोनीने आतापर्यंत 188 आयपीएल सामन्यांमध्ये नेतृत्व केलं आहे. या मोसमात तो 200 मॅचमध्ये कॅप्टन्सी करण्याचा विक्रम त्याच्या नावावर होईल. (CSK/Twitter)

एमएस धोनीने 182 मॅचमध्ये 4,632 रन केले आहेत. विकेट कीपर म्हणून 5 हजार रनचा टप्पा गाठायला धोनीला आणखी 368 रनची गरज आहे. (CSK/Twitter)

आयपीएलमध्ये एमएस धोनीने विकेटच्या मागे 148 बळी घेतले आहेत. आणखी दोन विकेट घेऊन धोनी 150 चा टप्पा गाठणारा पहिला विकेट कीपर होईल. (CSK/Twitter)

विकेटच्या मागे धोनीने 109 कॅच पकडले आहेत. धोनीच्या पुढे फक्त दिनेश कार्तिक आहे, ज्याला 110 कॅच पकडण्यात यश आलं आहे. यंदाच्या मोसमानंतर कोणाच्या खात्यात सर्वाधिक कॅच असतील हे पाहणं औत्सुक्याचं ठरेल. (CSK/Twitter)

पाचव्या क्रमांकावर बॅटिंग करताना एमएस धोनीने आयपीएलमध्ये 1,928 रन केले आहेत. या क्रमांकावर 2 हजार रन पूर्ण करायला धोनीला 72 रनची गरज आहे. (CSK/Twitter)

आयपीएलमध्ये धोनीला 17 वेळा मॅन ऑफ द मॅचचा पुरस्कार मिळाला आहे. धोनीच्या पुढे रोहित शर्मा 18 पुरस्कारांसह आहे. (CSK/Twitter)

आयपीएलच्या डेथ ओव्हर्समध्ये धोनीने 2769 रन केले आहेत. 20 व्या ओव्हरमध्ये धोनीने तब्बल 49 सिक्स मारले आहेत. यावेळी एक सिक्स मारून 50 सिक्सचा टप्पा गाठणारा धोनी पहिला खेळाडू बनेल. (CSK/Twitter)