IPL 2021 : कोरोना संकटात दिल्लीला पोहोचली मुंबई इंडियन्स, चाहत्याने केली भन्नाट मराठी कमेंट

कोरोनाच्या दुसऱ्या लाटेने भारतात धुमाकूळ घातला आहे. बहुतेक राज्यांमध्ये पुन्हा एकदा लॉकडाऊन लावण्यात आला आहे. दिल्ली या महामारीमुळे सर्वाधिक प्रभावित झालेल्या शहरांपैकी एक आहे, पण 28 एप्रिलपासून इकडे आयपीएलचे (IPL) सामने होणार आहेत. यासाठीची तयारीही पूर्ण झाली आहे.

आयपीएलची सगळ्यात यशस्वी टीम मुंबई इंडियन्स (Mumbai Indians)दिल्लीला पोहोचली आहे. मुंबईसह चेन्नई, हैदराबाद आणि राजस्थानच्या टीम दिल्लीत 28 एप्रिलपासून 8 मॅच खेळतील.

मुंबईची टीम दिल्लीला पोहोचणारी पहिलीच टीम आहे. बाकीच्या तीन टीम 26 एप्रिलला दिल्लीला पोहोचतील. मुंबई इंडियन्सनी त्यांच्या इन्स्टाग्रामवर टीम दिल्लीत पोहोचल्याचे फोटो पाठवले. या फोटोमध्ये राहुल चहर त्याची होणारी बायको इशानीसोबत दिसला. मुंबई इंडियन्सच्या या इन्स्टाग्राम पोस्टवर एका चाहत्याने केलेली मराठी कमेंट व्हायरल झाली आहे. 'दिल्लीच्या सगळ्या मॅच जिंका आणि फायनलला त्या आरसीबीला फोडा,' अशी कमेंट या चाहत्याने केली आहे.

आयपीएलच्या यंदाच्या मोसमात रोहित शर्माच्या मुंबईने 5 पैकी 2 सामने जिंकले, तर 3 सामन्यांमध्ये त्यांचा पराभव झाला. पॉईंट्स टेबलमध्ये मुंबई चौथ्या क्रमांकावर आहे.