धोनीचं IPL मधून 150 कोटी कमावणं निश्चित, बनवणार नवा विश्वविक्रम

आयपीएलच्या 13व्या मोसमात खराब कामगिरी करणारा एमएस धोनी (MS Dhoni) आता 14व्या मोसमात इतिहास घडवणार आहे. धोनी आयपीएल 2021 (IPL 2021) मध्ये 150 कोटी कमावणारा पहिला क्रिकेटपटू बनणार आहे. (Photo- CSK)

गुरूवारी आयपीएल अध्यक्ष ब्रिजेश पटेल यांनी माहिती दिली की सगळ्या टीमना 21 जानेवारीपर्यंत रिटेन केलेल्या खेळाडूंची आणि सोडलेल्या खेळाडूंची यादी द्यावी लागणार आहे. तसंच 4 फेब्रुवारीपर्यंत ट्रेडिंग विन्डे म्हणजेच खेळाडूंची अदला-बदलीची प्रक्रिया पूर्ण करावी लागणार आहे. धोनीला आपण रिटेन करणार असल्याचं चेन्नईने आधीच स्पष्ट केलं आहे, त्यामुळे आयपीएलमधली त्याची कमाई 150 कोटी होणार आहे. (Photo- CSK)

धोनीने चेन्नईसोबत 15 कोटी रुपयांचा करार केला आहे. आतापर्यंत आयपीएलमधून धोनीने 137.80 कोटी रुपये कमावले आहेत. आयपीएलच्या या मोसमात चेन्नईची टीम धोनीला 15 कोटी रुपये देईल, त्यामुळे धोनीची एकूण कमाई 150 कोटी होईल. (Photo- CSK)

आयपीएल 2020 मध्ये धोनीच्या नेतृत्वात चेन्नईच्या टीमला पहिल्यांदाच प्ले-ऑफमध्ये स्थान मिळालं नाही. यानंतर धोनीने 2021 च्या मोसमासाठी टीममध्ये बदल होतील, असे संकेत दिले होते. यावेळी चेन्नईची टीम केदार जाधव आणि पियुष चावला यांना डच्चू देईल, असा अंदाज वर्तवला जातोय. (Photo- CSK)