मालती ते काव्या, IPL मध्ये सोशल मीडियावर धुमाकूळ घालणाऱ्या Mystery Girls

आयपीएल 2021 चा मोसम (IPL 2021) आता अंतिम टप्प्यात येऊन ठेपला आहे. 2020 आणि 2021 साली कोरोना महामारीमुळे आयपीएल युएईमध्ये खेळवण्यात आली. कोरोनामुळे स्टेडियममध्ये जाऊन मॅच बघण्यात अडचणी येत असल्या तरी चाहत्यांना मात्र टीव्हीवर काही असे चेहरे दिसले, ज्यांनी काही तासांमध्येच सोशल मीडियावर धुमाकूळ घातला. या चेहऱ्यांना मिस्ट्री गर्ल म्हणूनही संबोधण्यात आलं. आयपीएलच्या सुरुवातीपासूनच असे अनेक चेहरे चर्चेत आले.

आयपीएल 2019 मध्ये लाल रंगाचा ऑफ शोल्डर क्रॉप टॉप घालून एक मुलगी बँगलोरच्या चिन्नास्वामी स्टेडियममध्ये आली होती. ही सुंदर मुलगी विराट कोहलीच्या आरसीबीला चिअर करताना दिसली. दीपिका घोष असं या मुलीचं नाव होतं. (Deepika Ghose/Instagram)

दीपिका घोषला या लोकप्रियतेमुळे सोशल मीडियावर टार्गेटही करण्यात आलं. तिच्या नावाने फेक अकाऊंटही तयार करण्यात आलं. या सगळ्यानंतर दीपिकाने एक इन्स्टाग्राम पोस्ट लिहिली आणि आयपीएल सामना बघितल्यानंतर आपल्या आयुष्यात कसा फरक पडला, ते सांगितलं. (Deepika Ghose/Instagram)

2019 आयपीएल फायनलदरम्यान निळ्या रंगाचा टीशर्ट घालून एक मुलगी स्टेडियममध्ये आली होती. आदिती हुंडिया असं या मुलीचं नावं. मुंबई आणि चेन्नई यांच्यातल्या सामन्यादरम्यान कॅमेरामनने आदितीवर कॅमेरा झूम केला आणि ती एका रात्रीत व्हायरल झाली.

आदिती हुंडिया फॅशन आणि ग्लॅमरच्या दुनियेतील लोकप्रिय चेहरा आहे. 2018 साली ती मिस दिवा सुपरनॅशनल इंडिया पुरस्कारही जिंकली होती. पोलंडच्या प्रतिष्ठित मिस सुपर नॅशनल स्पर्धेमध्येही तिने भारताचं प्रतिनिधीत्व केलं. आदिती मुंबई इंडियन्सचा स्टार खेळाडू इशान किशनची गर्लफ्रेंड असल्याचंही बोललं जातं. (Aditi Hundia/Instagram)

एमएस धोनीच्या नेतृत्वात खेळणाऱ्या चेन्नई सुपर किंग्सचेही असंख्य चाहते आहेत. 2018 आयपीएलदरम्यानही एका मुलीने खास ओळख निर्माण केली होती. कोलकाता आणि चेन्नई यांच्यातल्या मॅचवेळी मालती चहर चर्चेत आली. (Malti Chahar/Instagram)

मालती चहर क्रिकेटपटू दीपक चहरची बहिण आहे. दीपक चहर आयपीएलमध्ये चेन्नईकडून खेळतो. मालती मॉडेलिंग आणि अभिनयही करते. (Malti Chahar/Instagram)

सुपर ओव्हर गर्ल रियाना लालवानी तुम्हाला आठवते का? मुंबई आणि पंजाब यांच्यातल्या 2020 सालच्या मॅचवेळी रियाना चर्चेत आली. सुपर ओव्हरच्या रोमांचक मॅचमध्ये रियाना नखं खाताना दिसली होती.

कॅमेरा रियाना लालवानीकडे गेला आणि अवघ्या काही क्षणांमध्ये ती सोशल मीडियावर व्हायरल झाली. यानंतर तिला सुपर ओव्हर गर्ल असं नाव पडलं. (Riana Lalwani/Instagram)

आयपीएलच्या 14 व्या मोसमात हैदराबाद आणि मुंबई विरुद्धच्या मॅचवेळी आणखी एका मुलीने अनेकांचं लक्ष वेधून घेतलं. ही मुलगी सनरायजर्स हैदराबादचा बॅट्समन मनिष पांडेची पत्नी आश्रिता शेट्टी होती. (Ashrita Shetty/Instagram)

आश्रिता शेट्टीला मागच्या आयपीएल मोसमात हैदराबादसाठी चिअर करताना पाहिलं गेलं. अश्रिता शेट्टी दक्षिण भारतीय चित्रपट अभिनेत्रीही आहे. (Ashrita Shetty/Instagram)

काव्या मारन आता मिस्ट्री गर्ल राहिली नसली, तरी हैदराबादच्या टीमसोबत राहून ती कायमच चर्चेत असते. काव्याचे मॅचदरम्यानचे एक्सप्रेशन अनेकवेळा चाहत्यांना घायाळ करतात.

पहिल्यांदा काव्या जेव्हा कॅमेरात कैद झाली होती तेव्हा तिलाही मिस्ट्री गर्ल म्हणून संबोधलं गेलं, पण नंतर काव्या हैदराबाद टीमचा भाग असल्याचं समोर आलं. काव्या हैदराबाद टीमचे सीईओ कलानिधी मारन यांची मुलगी आहे. कलानिधी मारन सन टीव्हीचे समूह संस्थापक आहेत.

राखी कपूर टंडन 2015 आयपीएल फायनलदमर्यान चर्चेत आली. मुंबई आणि चेन्नई यांच्यातल्या मॅचनंतर झालेल्या प्रेझेंटेशन सेरेमनीमध्ये राखी कपूर टंडन आली होती. यानंतर त्या वर्षी राखी टंडन ट्वीटरवर सर्वाधिक सर्च केलेला दुसरा शब्द ठरला होता. राखी टंडन उद्योगपती आणि बँकर राणा कपूर यांची मुलगी आहे.