...त्यावेळी खूप त्रास झाला, चेतेश्वर पुजाराने सांगितलं 'दु:ख'

भारताच्या टेस्ट टीमची भिंत असलेल्या चेतेश्वर पुजाराला वनडे आणि टी-20 टीममध्ये स्थान मिळत नाही. आयपीएलमध्येही गेली कित्येक वर्ष त्याच्यावर कोणत्याच टीमने बोली लावली नाही. यावर्षी मात्र धोनीच्या चेन्नई सुपरकिंग्सने पुजाराला 50 लाख रुपयांच्या बेस प्राईजवर विकत घेतलं. (CSK Twitter)

आयपीएलच्या मागच्या 6 मोसमांमध्ये पुजाराला कोणत्याही टीमने विकत घेतलं नव्हतं. 2014 साली पंजाबने पुजारावर बोली लावली होती. एवढा काळ कोणत्याच टीमने विश्वास न दाखवल्यामुळे आपल्याला त्रास झाल्याचं चेतेश्वर पुजारा म्हणाला आहे. (Cheteshwar Pujara/Instagram)

आयपीएलमधून बाहेर राहणं माझ्यासाठी सोपं नव्हततं. या गोष्टीने मला खूप त्रास दिला. युट्यूब शो माईंड मॅटर्समध्ये पुजारा बोलत होता. (CSK Twitter)

आयपीएलमध्ये कोणतीच टीम बोली लावत नसल्यामुळे मला दु:ख व्हायचं, पण या गोष्टी माझ्या हातात नव्हत्या. एका काळानंतर मी ठरवलं, की काही गोष्टींवर आपण लक्ष द्यायचं ज्या आपण आणखी चांगल्या करू शकतो, अशी प्रतिक्रिया पुजाराने दिली. (CSK Twitter)