IPL 2020: युएइमध्ये सर्व भारतीय खेळाडू फेल! 'या' विदेशी फलंदाजाच्या नावावर सर्वात जास्त धावा

इंडियन प्रीमिअर लीग (IPL 2020) स्पर्धेत षटकार आणि चौकारांचा पाऊस पडतो. जगभरातील सर्वेश्रेष्ठ फलंदाज या स्पर्धेत आतषबाजी करतात. यंदा ही स्पर्धा भारतात होणार नसून युएइमध्ये होणार आहे.

युएइबाबत बोलायचे झाल्यास, तेथील खेळपट्टी ही भारतासारखी पाटा नाही आहे. त्यामुळे गोलंदाजांसाठी ही खेळपट्टी पुरक आहे. म्हणूनच 2014मध्ये झालेल्या आयपीएल सामन्यांमध्ये फलंदाजांना विशेष चांगली कामगिरी करता आली नाही.

युएइच्या खेळपट्टीवर आतापर्यंत एकाही फलंदाजाला शतकी खेळी करता आली नाही आहे. म्हणजे विराट कोहली, सुरेश रैना, रोहित शर्मा, डेव्हिड वॉर्नर, ख्रिस गेल, एबी डिव्हिलियर्स यांसारखे फलंदाजही फेल झाले आहेत.

युएइमध्ये एकाही भारतीय खेळाडूला विशेष चांगली कामगिरी करता आली नाही आहे. तर, एका विदेशी खेळाडूचा रेकॉर्ड हा युएइमध्ये चांगला आहे.

युएइमध्ये ऑस्ट्रेलियाचा स्टार खेळाडू ग्लेन मॅक्सवेलचा रेकॉर्ड चांगला आहे. 2014मध्ये किंग्ज इलेव्हन पंजाब संघाकडून खेळताना मॅक्सवेलनं तुफान फलंदाज केली होती.

मॅक्सवेलनं चेन्नई सुपरकिंग्ज विरुद्ध झालेल्या एका सामन्यात 43 चेंडूत 95 धावांची खेळी केली होती. यात 15 चौकार आणि 2 षटकारांचा समावेश होता.

यंदाच्या आयपीएलमध्येही मॅक्सवेल किंग्ज इलेव्हन पंजाब संघाकडून खेळणार आहे. फेब्रुवारीमध्ये झालेल्या लिलावात मॅक्सवेलला तब्बल 10.75 कोटी रुपयांना पंजाब संघाने विकत घेतले होते.