IPL 2020: युइएमध्ये मुंबई इंडियन्सचा रेकॉर्ड खराब! पाहा 2014मध्ये कोणत्या संघाचा होता दबदबा

आयपीएलच्या (IPL 2020) 13व्या हंगामाला 29 मार्चपासून सुरुवात होणार होती. मात्र कोरोनाव्हायरसमुळे ही स्पर्धा स्थगित झाली.

आता बीसीसीआयच्या वतीने ही स्पर्धा युएइमध्ये आयोजित केली जाणार आहे. 19 सप्टेंबरपासून आयपीएलच्या 13व्या हंगामाची सुरुवात होणार असल्याची घोषणा करण्यात आली आहे.

आयपीएल 2020 ही स्पर्धा भारताबाहेर होणार असल्यामुळे संघाची आणि खेळाडूंची समीकरणं बदलणार आहे. या स्पर्धेचे सामने शारजाह आणि दुबईमध्ये ओयोजित केले जाणार आहेत.

याआधी 2014 मध्ये आयपीएलचे निम्मे सामने युएईमध्येच घेण्यात आले होते आणि भारतीय चाहत्यांनी त्याचा प्रचंड आनंद लुटला होता. युएईमध्ये आयपीएल येऊ शकेल अशी बातमी येताच तेथील क्रिकेट असोसिएशनने तयारी सुरू केली.

मात्र संघाच्या रेकॉर्डबाबत बोलायचे झाल्यास मुंबई इंडियन्स (Mumbai Indians) संघाचा युएइमधला रेकॉर्ड विशेष चांगला नाही आहे.

मुंबई इंडियन्स (Mumbai Indians) आणि चेन्नई सुपरकिंग्स (Chennai Super Kings) हे दोन संघ आयपीएलमधील सर्वात मजबूत संघ मानले जातात. मुंबईने चारवेळा तर चेन्नईने तीन वेळा आयपीएलची ट्रॉफी जिंकली आहे. मात्र, युएईमध्ये या दोन्ही संघ फेल ठरले होते.

2014मध्ये कोलकाता नाइट रायडर्सनं स्पर्धा जिंकली होती. मात्र यएइमध्ये किंग्ज इलेव्हन पंजाब (Kings XI Punjab) संघाचे वर्चस्व होते. या संघाने आतापर्यंत एकदाही विजेतेपद जिंकले नसले तरी, युएइमध्ये त्यांचा रेकॉर्ड जबरदस्त आहे.

2014मध्ये आयपीएलमध्ये सहभागी 8 संघांमध्ये युएइत 5-5 सामने खेळले गेले होते. यात सर्वात चांगले प्रदर्शन किंग्ज इलेव्हन पंजाब संघाचे होते. युएइमध्ये पंजाब संघाने एकही सामना गमावला नाही, त्यांनी पाचही सामने जिंकले.

तर, चेन्नईने 5 पैकी 4 सामने जिंकले. राजस्थान संघाने 3 जिंकले तर 5 गमावले. केकेआर, आरसीबी आणि हैदराबाद संघाने 2 सामने जिंकले तर 3 गमावले.

मात्र आयपीएलमधील सर्वात यशस्वी संघ असलेल्या मुंबई संघाने युएइमध्ये एकही सामना जिंकला नव्हता. मुंबई इंडियन्स संघाने पाच पैकी पाचही सामने गमावले होते.