IPL 2020 : एक फोर मारण्यासाठीही तरसतोय 10.75 कोटी रुपयांचा खेळाडू

यंदाची आयपीएल (IPL 2020) जिंकण्यासाठी पंजाब (Kings XI Punjab)ची टीम दावेदार मानली जात आहे. पंजाबने सुरुवातीला याची झलकही दाखवली. पण चांगली बॅटिंग आणि मजबूत बॉलिंग असूनही पंजाबला या मोसमातल्या 4 पैकी फक्त एकच मॅच जिंकता आली आहे. मुंबई (Mumbai Indians)ने गुरुवारी पंजाबचा 48 रनने पराभव केला. (IPL)

पंजाबच्या पराभवाचं प्रमुख कारण त्यांचा स्टार ऑलराऊंडर ग्लेन मॅक्सवेल (Glenn Maxwell)फॉर्ममध्ये नसणं हेदेखील आहे. ग्लेन मॅक्सवेलवर पंजाबच्या टीमने 10 कोटी 75 लाख रुपये खर्च केले. पंजाबचा कर्णधार केएल राहुलनंतर मॅक्सवेल हा त्यांचा सगळ्यात महागडा खेळाडू आहे. (PTI)

मॅक्सवेलला यंदा बॅटच नाही, तर बॉलनेही कमाल करून दाखवता आलेली नाही. मुंबईविरुद्ध त्याने 18 बॉलमध्ये फक्त 11 रन केले आहेत. मोठ्या आव्हानाचा पाठलाग करतानाही मॅक्सवेलला एकही सिक्स किंवा फोर मारता आला नाही. बॅटिंग करत असताना तो पूर्णवेळ संघर्ष करतानाच दिसला. (BCCI)

मॅक्सवेल संपूर्ण स्पर्धेतच फ्लॉप ठरला आहे. आतापर्यंत झालेल्या 4 मॅचमध्ये मॅक्सवेलला फक्त 30 रनच करता आल्या आहेत. या मोसमात त्याने फक्त 2 फोर लगावल्या, पण त्याला एकही सिक्स मारता आलेली नाही. मॅक्सवेलच्या या खराब कामगिरीमुळे पंजाबची मधली फळीही कमजोर झाली आहे, ज्यामुळे टीमचा वारंवार पराभव होत आहे. (IPL)