SRH vs DC : वाढदिवशी वॉर्नरनं स्वत: ला दिलं अनोखं गिफ्ट, IPL इतिहासात पहिल्यांदाच केली 'ही' गोष्ट

डेव्हिड वॉर्नर याच्या नेतृत्वाखाली खेळणाऱ्या सनरायजर्स हैदराबादने काल झालेल्या सामन्यात दिल्ली कॅपिटल्सचा 88 धावांनी पराभव केला. महत्त्वाचं म्हणजे वॉर्नरचा काल 34 वा वाढदिवस होता. त्याने या सामन्यात शानदार अर्धशतक झळकावलं. त्याचबरोबर सामन्यात शानदार फिल्डिंगदेखील केली.

वाढदिवशी वॉर्नरने आयपीएलच्या इतिहासात पहिल्यांदा बॉलिंगदेखील केली. यामध्ये त्याने पूर्ण ओव्हर गोलंदाजी न करता केवळ दोन चेंडू टाकले.

12 व्या ओव्हरमध्ये विजय शंकर बॉलिंगसाठी आला असता त्याने श्रेयस अय्यरला आउट केले. पण हा बॉल टाकताना शंकरच्या पायाचे स्नायू ताणले गेल्याने तो जखमी झाला. त्यानंतर तो जखमी झाल्याने मैदानाबाहेर गेला.

वॉर्नरनं विजय शंकरच्या ओव्हरचा राहिलेला एक चेंडू टाकला. तो व्हाइड गेल्यानं त्याला परत एक चेंडू टाकावा लागला.

वॉर्नरच्या या चेंडूवर ऋषभ पंतनं सिंगल धाव घेतली. पण महत्त्वाचे म्हणजे आयपीएलच्या इतिहासात वॉर्नरनं पहिल्यांदा बॉलिंग केली.