IPL 2020 : हैदराबादचा संदीप शर्मा पोहोचला दिग्गजांच्या यादीत

आयपीएल (IPL 2020)च्या दिग्गजांच्या यादीत हैदराबाद (SRH)चा फास्ट बॉलर संदीप शर्माने स्थान मिळवलं आहे. शनिवारी पंजाब (KXIP)विरुद्धच्या मॅचमध्ये संदीप शर्माने विकेटचं शतक पूर्ण केलं. संदीपने या मॅचच्या 5व्या ओव्हरच्या शेवटच्या बॉलवर हा पराक्रम केला.

पंजाबचा मनदीप सिंग संदीप शर्माची 100 वी विकेट ठरला. संदीपने मनदीपला डीप स्क्वेअर लेगवर राशिद खानकरवी कॅच आऊट केलं. मनदीपला या मॅचमध्ये 17 रन करता आले.

संदीप शर्माने 1 ते 6 ओव्हरमध्ये 48 विकेट, 7 ते 15 ओव्हरमध्ये 17 विकेट आणि 16 ते 20 ओव्हरमध्ये 35 विकेट घेतल्या आहेत.

2013 साली संदीप शर्माने आयपीएलमध्ये पदार्पण केलं. तेव्हापासून आयपीएलच्या सुरुवातीच्या 6 ओव्हरमध्ये संदीप शर्मा पेक्षा जास्त विकेट कोणालाही मिळालेल्या नाहीत.

संदीपच्या पदार्पणापासून आयपीएलमध्ये सर्वाधिक विकेट घेणाऱ्या खेळाडूंच्या यादीत युझवेंद्र चहल पहिल्या क्रमांकावर आहे. चहलने 115 विकेट, भुवनेश्वर कुमारने 113 विकेट आणि संदीप 100 विकेटसह तिसऱ्या क्रमांकावर आहे. 87 मॅचमध्ये संदीपने 100 विकेटचा पल्ला गाठला आहे. आयपीएलमध्ये 100 विकेट घेणारा संदीप हा 6वा भारतीय फास्ट बॉलर आहे.