IPL 2020 : पहिल्या क्वालिफायरमध्ये मुंबईचा सामना दिल्लीशी, पाहा कोणाचा पगडा भारी

आयपीएल (IPL 2020) च्या 13व्या मोसमात गुरुवारी मुंबई (Mumbai Indians) आणि दिल्ली (Delhi Capitals)तिसऱ्यांदा समोरासमोर असणार आहे. या दोन्ही टीममध्ये लीग स्टेजमध्ये 2 मॅच झाल्यानंतर आता क्वालिफायरमध्ये पुन्हा एकदा या दोन्ही टीम एकमेकांविरोधात खेळणार आहेत. या मोसमातल्या लीग स्टेजमधल्या दोन्ही मॅच मुंबईने जिंकल्या होत्या.

दोन्ही टीमचं आयपीएलमधलं रेकॉर्ड बघितलं तर मुंबईचा पगडा दिल्लीवर कायमच भारी राहिला आहे. या दोन्ही टीमनी एकमेकांविरोधात एकूण 26 मॅच खेळल्या आहेत.

या 26 सामन्यांपैकी मुंबईने 14 आणि दिल्लीने 12 मॅच जिंकल्या आहेत.

मुंबईने आतापर्यंत 4 वेळा आयपीएल जिंकली आहे, तर दिल्लीला अजून एकदाही आयपीएल स्पर्धा जिंकता आली नाही. दिल्लीला प्ले-ऑफमध्ये फक्त एकच सामना जिंकता आला आहे. मागच्यावर्षी त्यांनी हैदराबादचा पराभव केला होता.

दिल्ली मागच्यावर्षी क्वालिफायर-2 मध्ये पोहोचली होती, जिकडे चेन्नईने त्यांचा पराभव केला होता.