IPL च्या 6 मिस्ट्री गर्ल्स, एका सेकंदात चाहते झाले घायाळ

आयपीएल (IPL)म्हणलं की चाहत्यांच्या समोर सगळ्यात पहिले येतं ते म्हणजे फोर आणि सिक्सचा वर्षाव, सुपर ओव्हरचा थरार आणि शेवटच्या बॉलवर संपलेली रोमांचक मॅच. पण कित्येकवेळा आयपीएल काही वेगळ्या कारणांमुळेही चर्चेत येते. आतापर्यंत झालेल्या आयपीएलच्या एकूण 13 मोसमात चाहत्यांना कॅमेरावर अनेक मिस्ट्री गर्ल्स दिसल्या. या मुलींच्या सौंदर्यामुळे अनेक चाहते घायाळ झाले, तसंच या मुली एका दिवसात सोशल मीडियावर स्टार झाल्या.

या मोसमात कोरोना व्हायरसमुळे प्रेक्षकांना स्टेडियममध्ये जाऊन मॅच बघण्याचा आनंद लुटता येत नाही, पण मुंबई आणि पंजाबच्या मॅचमध्ये एक मुलगी स्टेडियममध्ये बसून मॅच बघत होती. यानंतर तिचे फोटो सोशल मीडियावर व्हायरल झाले.

मुंबई आणि पंजाब यांच्यात झालेल्या दोन सुपर ओव्हरच्या मॅचमध्ये ही मुलगी पहिल्यांदा कॅमेरासमोर दिसली. चाहत्यांनी तिचं नाव सुपर ओव्हर गर्ल असं ठेवलं. या मुलीचं नाव रियाना लालवानी असून ती पंजाबला पाठिंबा देण्यासाठी मैदानात आली होती.

आयपीएल 2019 मध्येही अशीच एक सुरेख मुलगी सोशल मीडियावर व्हायरल झाली होती. मॉडेल आदिती हुंदिया मुंबई इंडियन्सना पाठिंबा देण्यासाठी स्टेडियममध्ये आली होती. आदिती हुंदिया मुंबई इंडियन्सचा विकेट कीपर इशान किशनची गर्लफ्रेंड आहे.

मागच्या मोसमात बँगलोरला पाठिंबा देण्यासाठी चिन्नास्वामी स्टेडियममध्ये आलेली मुलगीही रातोरात स्टार झाली. एकाच दिवसात या मुलीचे फॉलोअर्स चार पटीने वाढले. या मुलीचं नाव दीपिका घोष होतं.

आयपीएल 2018 मध्ये मुंबई आणि चेन्नई यांच्यात झालेल्या मॅचवेळीही अशीच एक मुलगी चर्चेत आली होती. चेन्नई सुपर किंग्जचा फास्ट बॉलर दीपक चहरची बहिण मालती चहर सोशल मीडियावर व्हायरल झाली. मालती चहर व्यवसायाने मॉडेल आहे.

आयपीएल 2018 मध्ये चेन्नई आणि हैदराबाद यांच्यात फायनल मॅच खेळवली गेली, त्यावेळीही हैदराबादला पाठिंबा द्यायला आलेली मुलगी चर्चेचा विषय ठरली. ही मुलगी हैदराबाद टीमचे मालक कलानिधी मारन यांची मुलगी काव्या मारन होती.

आयपीएल 2015 च्या फायनलमध्ये पुरस्कार द्यायला आलेली मिस्ट्री गर्लही मोठ्या प्रमाणात व्हायरल झाली होती. ही मुलगी येस बँकेचे संस्थापक आणि सीईओ राणा कपूर यांची मुलगी राखी कपूर टंडन होती.