IPL 2020 : ना पोलार्ड ना रोहित, हा आहे मुंबईचा यंदाचा 'सिक्सर किंग'

आयपीएल (IPL 2020) ची यावर्षीची अर्धी स्पर्धा संपली आहे. सगळ्या टीम एकमेकांविरुद्ध खेळल्या आहेत. प्रत्येक टीमच्या 7 मॅच झाल्यानंतर मुंबई आणि दिल्लीची टीम सगळ्यात पुढे आहेत. पॉईंट्स टेबलमध्ये या दोन टीम पुढे असल्या तरी सर्वाधिक रन करणाऱ्या केएल राहुल याची टीम मात्र तळाला आहे. दरवर्षी प्रमाणेच यावर्षीही युएईच्या मैदानांवर सिक्सचा पाऊस पडला. पण कायरन पोलार्ड आणि रोहित शर्मा यांच्यासारखे दिग्गज खेळाडू मात्र सर्वाधिक सिक्स मारणाऱ्या खेळाडूंच्या रेसमध्ये नाहीत.

आयपीएलमध्ये यावर्षी सर्वाधिक सिक्स मारणारा खेळाडू आहे पंजाबचा निकोलस पूरन. त्याने या मोसमात आतापर्यंत 16 सिक्स लगावल्या आहेत. पण पंजाबच्या टीमचा मात्र वारंवार पराभव होत आहे.

दुसऱ्या क्रमांकावर संजू सॅमसन आहे. सुरुवातीच्या काही मॅचमध्ये रन करणाऱ्या संजू सॅमसनने या मोसमात 16 सिक्स लगावले आहेत.

राजस्थानला दोन मॅचमध्ये धमाकेदार विजय मिळवून देणाऱ्या राहुल तेवतियाने आतापर्यंत 15 सिक्स लगावले आहे. यातले 5 सिक्स तर त्याने एकाच ओव्हरमध्ये लगावले आहेत.

सर्वाधिक सिक्स मारणाऱ्या खेळाडूंच्या यादीत चौथ्या क्रमांकावर मुंबईचा ईशान किशन आहे. त्याने 5 इनिंगमध्ये 14 सिक्स लगावल्या आहेत.

पाचव्या क्रमांकावर मुंबईचा कर्णधार रोहित शर्मा आहे. रोहितनेही ईशान किशन प्रमाणेच 14 सिक्स मारल्या, पण यासाठी त्याला 7 मॅच लागल्या. त्यामुळे रोहित या यादीत पाचव्या क्रमांकावर आहे.