IPL 2020 : मुंबई जिंकली तर रवा, मैदा आणि उटण फ्री, पाहा कुठे आहे ऑफर

आयपीएल (IPL 2020)च्या फायनलमध्ये मुंबई (Mumbai Indians) चा सामना दिल्ली (Delhi Capitals) विरुद्ध होत आहे. या मॅचमध्ये मुंबईचा विजय झाला तर त्यांच्या नावावर आयपीएलची पाचवी ट्रॉफी जमा होईल, तर दिल्ली पहिल्यांदाच आयपीएल फायनलमध्ये पोहोचली आहे. त्यामुळे तेदेखील पहिल्यांदाच आयपीएल जिंकण्यासाठी जीवापाड प्रयत्न करेल.

मुंबई आणि दिल्ली यांच्या विजयासाठी टीमसोबतच त्यांचे समर्थकही प्रार्थना करत आहेत. पण नवी मुंबईच्या कोपरी गावात मुंबईचा विजय झाला तर हटके गिफ्ट देण्यात येणार आहे.

नवी मुंबईतल्या कोपरी गावाजवळ ठिकठिकाणी या ऑफरचे बोर्ड लागले आहेत.

आयपीएल फायनलमध्ये मुंबईचा विजय झाला, तर कोपरी गावातल्या नागरिकांना 1 किलो मैदा, 1 किलो रवा आणि 2 उटण्याची पाकीटं मोफत देण्यात येणार आहेत.

यासाठी कोपरी गावातल्या ग्रामस्थांकडे त्यांचं रेशनकार्ड असणं गरजेचं आहे.