IPL 2019 : शतकासाठी स्वार्थी झाला विराट, संघापेक्षा शतक महत्त्वाचे?

कोलकाताला पराभूत करून आयरसीबीने यंदाच्या हंगामातील दुसरा विजय नोंदवला. या सामन्यात विराट कोहलीने तुफान फटकेबाजी करत शतक झळकावले.

विराटने 58 चेंडूत 9 चौकार आणि 4 षटकारांच्या मदतीने 100 धावा केल्या. कोलकाता विरुद्ध शतकासाठी विराट स्वार्थी झाल्याचंही त्याच्या कृतीतून दिसलं.

आयपीएलमधील 5 वं शतक करणाऱा विराट संघासाठी खेळतो की त्याच्या विक्रमासाठी हा प्रश्न उपस्थित केला जात आहे.

सामन्याच्या शेवटच्या षटकात विराट कोहली 95 वर नाबाद होता. तेव्हा पहिल्या चेंडूवर एक धाव काढली. त्यानंतर स्टोइनसने सलग दोन चेंडूवर चौकार, षटकार लगावला. चौथ्या चेंडूवर दोन धावा घेण्याची संधी असतानाही एकच धाव घेतली. यावेळी स्टोइनस आणि विराट हसताना दिसले.

विराटने 5 व्या चेंडूवर चौकार मारून शतक मारून यंदाच्या हंगामातील पहिले शतक साजरे केले. आयपीएलमध्ये सर्वाधिक शतक करणाऱ्यांच्या यादीत विराट दुसऱ्या क्रमांकावर पोहचला आहे. ख्रिस गेल 6 शतकांसह पहिल्या स्थानी आहे.