#IndvsNZ : सांगलीच्या स्मृतीचा अनोखा विक्रम, अशी कामगिरी करणारी पहिली भारतीय

भारताकडून आतापर्यंत एकाही महिला खेळाडूला SENA देशांमध्ये अशी कामगिरी करता आलेली नाही.

News18 Lokmat | Jan 24, 2019 05:05 PM IST

भारतीय महिला क्रिकेट संघ सध्या न्यूझीलंड दौऱ्यावर आहे. पहिल्याच वनडे सामन्यात स्मृती मानधना आणि जेमिमा रॉड्रीग्ड यांच्या खेळाच्या जोरावर भारताने न्यूझीलंडवर 9 गडी आणि 102 चेंडू राखून विजय मिळवला.

न्यूझीलंडने दिलेल्या 192 धावांचा पाठलाग करताना स्मृती मानधनाने शतक साजरे केले. तिचे हे चौथे आंतरराष्ट्रीय शतक आहे. या शतकाबरोबरच आतापर्यंत एकाही भारतीय महिला खेळाडूला जमली नाही अशी कामगिरी तिने केली.

स्मृती मानधनाने 104 चेंडूत 9 चौकार आणि 3 षटकार खेचत 105 धावा केल्या. तीने दक्षिण आफ्रिका, इंग्लंड, न्यूझीलंड आणि ऑस्ट्रेलिया म्हणजेच 'SENA' देशांमध्ये वनडेत शतक करण्याची कामगिरी केली आहे.