टीम इंडियाचा खेळाडू झाला शर्टलेस, Harley Davidson वरून धुरळा उडवल्यामुळे ट्रोल

वर्ल्ड टेस्ट चॅम्पियनशीपची फायनल (WTC Final) आणि इंग्लंडविरुद्धच्या टेस्ट सीरिजसाठी टीम इंडिया (Team India) 3 जूनला इंग्लंडला रवाना होणार आहे. या टीममध्ये फास्ट बॉलर नवदीप सैनीची (Navdeep Saini) निवड करण्यात आलेली नाही, त्यामुळे घरीच असलेल्या नवदीप सैनीचा एक व्हिडिओ सोशल मीडियावर व्हायरल होत आहे. सैनीनेच त्याच्या ट्विटर अकाऊंटवरुन हा व्हिडिओ शेयर केला आहे. या व्हिडिओमध्ये सैनी हार्ले डेविडसन बाईक चालवताना दिसत आहे. ही बाईक चालवताना आजूबाजूची रेती आणि धूळ उडताना दिसत आहे. बाईक सुरू केल्यानंतर सैनीने एकाच जागेवर उभं राहून एक्सलरेटर चालवल्यामुळे त्याला सोशल मीडियावर ट्रोल करण्यात येत आहे.

नवदीप सैनीने 12 सेकंदाच्या या व्हिडिओमध्ये स्टंट दाखवण्याचा प्रयत्न केला, पण यावरून त्याच्यावर टीकाच जास्त झाली.

नवदीप सैनीचा हा व्हिडिओ बघून एका चाहत्याने मला त्याच्याकडून डेल स्टेन बनण्याची अपेक्षा होती, अशी कमेंट दिली.

तर एका यूजरने कोणीतरी मागून गाणं लावा, देसी-देसी ना बोल्या कर.... अशी कमेंट दिली.

नवदीप सैनीला मास्क लावण्याचाही सल्ला दिला. या व्हिडिओमध्ये सैनी शर्टलेस आणि मास्कशिवाय दिसत आहे.

नवदीप सैनीने आतापर्यंत भारतासाठी 2 टेस्ट, 7 वनडे आणि 10 टी-20 खेळल्या, त्याच्या नावावर टेस्टमध्ये 4, वनडेमध्ये 6 आणि आंतरराष्ट्रीय टी-20 मध्ये 13 विकेट आहेत.

इंग्लंड दौऱ्यामध्ये निवड न झाल्यामुळे आता श्रीलंका दौऱ्यासाठी तरी निवड होईल, अशी सैनीची अपेक्षा आहे.