IND vs SL : टीम इंडियाने केलं 'लंका दहन', इंग्लंडमधून विराटने केलं या दोघांचं कौतुक

शिखर धवनच्या (Shikhar Dhawan) नेतृत्वात टीम इंडियाने श्रीलंकेविरुद्धच्या (India vs Sri Lanka) दुसऱ्या मॅचमध्ये 3 विकेटने विजय मिळवला, याचसोबत भारताने सीरिजही जिंकली. दुसऱ्या सामन्यात भारताला विजयासाठी 276 रनची गरज होती. हे आव्हान टीमने 5 बॉल शिल्लक असतानाच पूर्ण केलं. एकवेळ भारताचा स्कोअर 160 रनवर 6 विकेट होता, तेव्हा विजय अशक्य वाटत होता.

सूर्यकुमार यादव (Suryakumar Yadav) आणि दीपक चहर (Deepak Chahar) टीम इंडियाच्या विजयाचे शिल्पकार ठरले. सूर्यकुमार यादव आणि दीपक चहर यांनी पहिल्यांदाच वनडेमध्ये अर्धशतक केलं. सूर्यकुमार 53 रन करून आऊट झाला, तर दीपक 69 रनवर नाबाद राहिला.

टीम इंडियाच्या 7 विकेट गेल्यानंतरही दीपकने भुवनेश्वर कुमारसोबत अर्धशतकीय पार्टनरशीप केली. चहरने 64 बॉलमध्ये आपलं अर्धशतक पूर्ण केलं.

या विजयानंतर इंग्लंडमध्ये असलेला टीम इंडियाचा कर्णधार विराट कोहली (Virat Kohli) याने दीपक चहर आणि सूर्यकुमार यादवचं कौतुक केलं.

'खेळाडूंचा शानदार विजय, दबावाच्या परिस्थितीमध्ये विजयापर्यंत पोहोचवण्याचा जबरदस्त प्रयत्न. पाहायला मजा आली. शानदार दीपक चहर आणि सूर्यकुमार यादव, दबावात जबरदस्त खेळी,' असं ट्वीट विराटने केलं.