BCCIचा महत्त्वाचा निर्णय, पाकिस्तानला बसणार मोठा दणका

भारत आणि पाकिस्तान यांच्यात क्रिकेट सामन्यावरून सध्या वाद सुरू आहेत. पाकिस्तान क्रिकेट बोर्डाकडून भारतीय संघाला पाकिस्तानमध्ये येऊन खेळण्यासाठी सातत्याने आग्रह केला जात आहे. त्यासाठी त्यांचे प्रयत्न सुरू आहेत.

एएनआयने दिलेल्या वृत्तानुसार, बीसीसीआयने एक महत्त्वाचा निर्णय घेतला असल्याची माहिती सूत्रांनी दिलीय. यात भारत आणि पाकिस्तान यांच्यातील क्रिकेट संघात भारताबाहेर कसोटी खेळवण्याबाबत स्पष्ट उत्तर दिलं गेलंय. बीसीसीआयने म्हटलं की, परदेशातसुद्धा भारत पाकिस्तानसोबत कोणतीही कसोटी खेळणार नाही.

बीसीसीआयच्या सूत्रांनी दिलेल्या माहितीनुसार, भारत आणि पाकिस्तान यांच्यात कसोटी खेळवण्याची कोणती योजना नाही. भारताबाहेर कोणत्याही तटस्ठ ठिकाणी दोन्ही देशात कसोटी मालिका होणार नाहीय. कसोटी मालिकाच काय तर पाकिस्तानसोबत कोणत्याही प्रकारची द्विपक्षीय मालिका खेळण्यासाठी आम्ही तयार नाही.

भारत आणि पाकिस्तान यांच्यात अखेरची द्विपक्षीय मालिका २०१२-१३ मध्ये झाली होती. तीन सामन्यांच्या एकदिवसीय मालिकेसाठी पाकिस्तानचा संघ भारतात आला होता. ही मालिका भारताने २-१ अशी जिंकली होती.